ژەناو کانتۆنوو فوراتی پەی مەبارەکبایی ٨ ئاداری لوێرە مەیدانەکا
ژەناو کانتۆنوو فوراتی بە سەرمەشقایەتیی یۆبییەی ژەنە گەنجا ڕاپیمایشا ساز کەرد و چا چالاکییەنە ژەنی جلوبەرگی کوردییشا کەردەبێنە.
بە بۆنەو ٨ی ئاداریوە ڕۆو جیهانی ژناوە، بە سەرمەشقایەتیی یۆبییەیی ژەنە گەنجا ڕاپیماێوە جەماوەری کۆبانێنە کریا.
بە دەیان ژەنێ بە جلوبەرگی نەتەوەییوە مەیدانوو گەشمەردە عەگیدینە کوێ بیێوە و بە درووشمەکاو "ژەنی، ژیوای، ئازادی"ی ڕاشا پیما.
ڕاپیمایەکە تا مەیدانوو ژەنێ ئازادێ بەردەوام بی.
دماو ڕاپیمایەکەی بە دەیەقێوە بێدەنگیی ڕێز وەنەو یادوو گەشمەردا گیریا و دماتەر دەس بە کۆبیەیۆ کریا و قسەکەروو یۆبییەی ژەنە گەنجا کانتۆنوو فوراتینە نەدا شاهین واچێوەش پێشکەش کەرد.
نەدا شاهینە واتش، "بە بۆنەو ٨ ئادارەیوە مەبارەکبایی وەنەو سەرجەموو ژەناو جیهانی کەرمێ و بەتایبەتیچ چا ژەنا، کە پەی ئازادیی کەشە ئازادەکانە درێژە بە کۆشیای مدا ".
دماو کۆبییەییۆکەی چالاکییەکە بە واتەیۆ دروشما دماییش ئاما.
