به‌گوێره‌ی زانیارییه‌كان كه‌ له‌ سه‌رچاوه‌كانی ناوچه‌كه‌ وه‌رگیراون، فڕۆكه‌ جه‌نگییه‌كانی ده‌وڵه‌تی توركی داگیركه‌ر كاتژمێر ١٢:٢٠ هێرشیان كردووه‌ته‌ سه‌ر گوندی پیروزانا-ی سه‌ربه‌ قه‌زای ئامێدی و ٦ جار بۆردومانیان كردووه‌.

دوای كاتژمێرێك، جارێكی دیكه‌ فڕۆكه‌ جه‌نگییه‌كان هێرشیان كرده‌وه‌ سه‌ر گونده‌كه‌ و ده‌وروبه‌ری گونده‌كه‌یان كرده‌ ئامانج. به‌هۆی هێرشه‌كه‌ ئاگر كه‌وته‌وه‌ و تا ئێستا به‌رده‌وامه‌.

تا ئێستا نازانرێت بۆردومانه‌كه‌ زیانی گیانی هه‌بووه‌ یان نا، به‌ڵام ماوه‌یه‌كه‌ ده‌وڵه‌تی توركی داگیركه‌ر هێرشه‌كانی دژبه‌ ناوچه‌ سیڤیلنشینه‌كان زیاتر كردووه‌.

s.m