١١ شەۋانە رۊۍ پەیا پەیەن، سوپا ئەرەگێرەکەو تورکیای و تاقمە چەتە شۊنکەوتەکێش بە قورسی بۆردومان و تۆپۋارانو ناوچە جیا جیاکانو رۊچاۋاو کوردستانی مکەرانۍٚ.
بە پاو ئامارێۋی، کە ١٠ رۊۍ یورشەکان جەوێش مگێرۆنە، یۆرشەکۍ سەرجەم هەرێمەکۍ، (عەفرین، شەهبا، فڕات، منبج، جزیرە و دێرزوور) گێرتێنێۋە و جە میانشانە، سەڎان یاگۍ مەدەنی نشینۍ، خزمەتگوزاریۍ و چنڎین نەوەشخانۍ و وانگایۍ و بیرە نەوتۍ، بە ئامانج گیریێنۍ و زیانی ماددی فرەشان پنە یاۋان.
هێرشەکۍ بە تۆپخانۍ، تانکۍ، باڵەپڕۍ جەنگیۍ، باڵەپڕۍ چەمداری و هێرشبەرۍ بێباڵەپڕۋانۍ، ڕۆکێتۍ کاتیوشای و جە چنڎ یاگێچەنە بە چەکی کیمیایی ئەنجامۍ دریێنۍ.

بە پاو ئامارەکەی،  جە هێرشەکانە،
و ١٣ هاموڵاتیۍ و ١٩ شەڕڤانۍو ١ ئاسایش گ شەهیدۍ بیێنۍ، ١٧ شەڕڤانۍ و ٢ ئاسایشۍ و ١٤ هاموڵاتیۍ بریندارۍ بیێنۍ کە ٣شان زارۆڵێنۍ.
هاموەخت جە ناوچەو شەراو عەفرین-ی دوژمن بۆمبی فسفۆڕی قەدەغەکریاش بەکارئاوردەن.

ئامارەکە ئانەش ئاشکرا کەردەن: جە دێرک، کۆبانۍ و شەهبا چنڎین بنکۍ و نەوەشخانۍ، میانگۍ ئەلەکتریکی و بەرهەمئاۋردەی نەوتۍ سۊتەمەنی و دەیان وانگۍ هێرش کریان سەرشان و زیانمەندۍ بیێنۍ. هامزەمان ٢٣٥ قوتابخانۍ ۋزیێنێرە. ٢٥١ قوتابخانۍ دەۋامشان مدرنان، جە ئاکامەنە ٢١ هەزارۍ و ٨٤٣ وانیەرۍ جە پرۆسەو وانای بێبەشۍ بیێنۍ.