ئەنقەرەنە گلێرۆبیێوە بە سەرمەشقایەتی کۆنفیدراسیۆنو سەندیکاکا کرێکارا دۆڵەتو (KESK)، کۆنفیدراسیۆنو سەندیکاکا کرێکارا شۆڕشگێڵی (DÎSK)، یۆبییەو بیناسازا و ئەندازیارا تورکیای (TMMOB) و ژوورو دکتۆرا ئەنقەرەی (ATO) لواڕاوە. بەدەیان هەزار کەسێ بە دروشموو "پەی هەرمانەو ، ئاشتی، دیموکراسی و دادپەروەری سەرگنمێنە" گلێرۆبییەکەینە بەشداریشا کەرد.

سەرەڕاو واران وارای، بەشێوە فرە جە پارتە سیاسییەکا، سەندیکاکا، ژوورو بازرگانی، ڕێکوزیاکا گلێرگەو مەدەنی، ڕێکوزیاکا ژەنا و جوانا، ونکارا زانکۆی، خانەنشینێ بەشداریشا جە ڕاپیماکەیەنە کەرد.

هەرپاسە جە گلێرۆبییەکەینە بەهەزارا تەلەبێ زانکۆو تەکنیکی وەرکەوتوو دلێڕاسەی  بە دروشموو"پەی زانکۆیێ دیموکراتیک، پەی وڵاتێوە دیموکراتیکی " بەشداریشا کەرد.

هامکاتەنە ئەنجومەنو جوانا کۆنگرەی دیموکراتیکو گەلا بە دروشموو "ئێمە جە ڕاو وێڕێکوزتەی ئایندێوە سۆسیالیست بنیات منییەیمێ" بەشداریشا کەر. بەردەوام جە مێڏانەکانە دروشمیلوو "بژیوۆنە ڕابەر ئاپۆ" وچیاوە. هەرپاسە ژەنێ کوردی بە لافیتێ "بژیوۆنە ئەوەکۆشای ئازادی ژەنا پەی گلێرگە و دیموکراتیکی" ڕاپیماکەینە بەشداریشا کەرد.

هەرپاسە خەباتکارا ئەرەیاوناوی ئازاد بە هورگێرتەو  وێنەو ڕۆژنامەنوویسا گەشمەرڏێ، جیهان بیلگین و نازم داشتان جە گلێرۆبییەکەینە بەشداریشا کەرد.

زەماوەنە و گلێرۆبییەکێ بەردەوامیشا هەن.