جە کۆبانێنە پەی ٢٥٠ خۆنکارا گرڎوو بەشەکا زانشتگەو مەراسیموو بەرشیەی ئەنجامدریا و هەزاران کەسۍ بەشدارێبێنۍ، خۆنکارا سەرەتا لووۍ پەی قەبرسانوو گەشمەرڎە دیجلەی و سەرکەوتەکەیشا کەرد بە دیاری گەشمەرڎا. مەراسیمەکە بە سروودەو ئەی ڕەقیبی و دەیەقێوە ڕێزگرتەی جە گەشمەرڎا ئازاڎیی دەسش پنەکەرد.

هامسەرۆکوو زانشتگەو کۆبانێ شەڕڤان موسلم ئەرەیاۋناش ئی سەرکەوتەیە بەرهەموو شۆڕشی و بەرئەنجاموو ٤٠ ساڵا مدرامانی و خاوەندارین جە میراتوو گەشمەرڎا، تەئکیدش کەردۆ ئینە پەیامێوەن پەی ئانەی یاگۍ ئەرەگیری و چەوەسنایۆ مەبۆوە.

هامسەرۆکەو مەجلیسوو ڕاوەبەری ئیدارەو ۋێڕاوەبەری دیموکراتیکی ئەڤین سوێد مبارەکبایش جە خۆنکارە بەرشیەکا کەرڎوو واتش گەلوو کۆبانێ ۋەراوەر بە تاریکی سەرهۊردایش کەرد و سەرکەوت، حەرپاسە ئی سەرکەوتەیشە کەرد بە دیاری گەشمەرڎا.

هامسەرۆکوو مەجلیسوو ڕاوەبەری کانتۆنوو فوراتی فەرحان حاج عیسا سەبارەت بە بەرشیەو خۆنکارەکا ئەرەیاۋناش ئینۍ ئا جەنگەوانێنۍ هەنگام بە هەنگام سەرکەوتەی مسۆگەر مکەرا و واتش: "ئێمە سەرۍ گنمۍ و قەراروو سەرکەوتەی مڎەیمۍ".

دماتەر بڕوانامەو بەرشیەی دریا بە خۆنکارا.