چەنڎ هەفتێ ویەردێنە، جە دارستانێ شارو نودشەی ودەگاو شەڕەکانی و هەرپاسە نزیک پەنگاو (سەد)و داریانی و لەوەڕگایەکێ دەوروبەریان جە هەرێم هەورامانی ئێرشان گێرتەبێ کە جە دەرنجامشەنە زیانی فرەی ژیوگەییش شۆنیەرە ئومابێ.
 
جە ئی بارەوە ئەنجومەنو ژیوگەپارێزی ژیوای جە پاوە وەڵاوش کەردەنەوە: ئێرگێرتەکەی زیانی فرەش جە دارستانەکان دان و وێنێ ماهوارەیێ نیشانەش مڎانێ نزیکە بە ٤٥٠ هکتارێ دارستانێ و لەوەڕگێ سۆتێنێ و زیانمەندێ بیێنێ.
بە بەرئاورد چەنی ساڵێ ویەردێ، ئێساڵ فەرەتەرین دارستانەکێ هەرێمو هەوراماناتی ئێرشان گێرتەن و هەزاران هکتارێ دارستانێ و لەوڕگێ و باغێ سۆتێنێ و زیانمەندێ بیێنێ و زیان بە جۆراوجۆری دارودرەختی و گیواوەکان و هەرپاسە گیانەورەکان یاوان.