ھجومەکۍ تورکیەېې پۍ  سەرو شەنگالی  بە پاو وەڵتەڕی زیاڎشا کەرڎەن و بەرڎەوامێنۍ.. سەربارو ئا ھجومایچە گەلو شەنگالی دەسبەرڎارو وۍ ڕاوەبەری شەنگالی و داواکەرڎۆو ئازاڎی پۍ ڕابەرو گەلو کورڎی عەبدوڵائۊجەلانی مەبانە. جە وەرانوەرو ئا گۊشەگیرېە دژوارە ېنە کە هەن سەرو ڕابەر ئاپۊی ، چن ئەنڎامێۋە ئەنجومەن و گەل و "دوھۆلا" و "گوھبەلې" داواشا جە گەل وئێزیدی کەرڎ کە چالاکیەکا بە تین تەربکەرا.

ئەنڎام  و ئەنجومەن  و گەل و "دوھۊڵا" حەیدەرحەسەن ماچۊنە: گۊشەگیرې سەرو ڕابەر ئاپۊی ستەم  و ناحەقیێۋې گۆرەن، ئاڎ تەنھا ڕابەرو  کوردا نیەن، ڕابەرو  گرڎو گەلە چێردەسەکاو جەھانین. با ئیتر ئې زوڵم ونادادیە کۆتاییش پەنە بەی.

حەیدەرحەسەن ساڵەو20١٤ یش  ویرئاردۆ کە چنی خۆنکارەکۍ  ڕابەر ئاپۊې ، بە ھاوارو ئێزیدېەکاۋە  ئامۍ و پی جۊرە  ویروراو رابەر ئاپۆیشا سەبارەت بە ئێزیدیەکاھوست ڕووە.

حسن واتش : ئێزیدیەکۍ  بە فکرو ھزرو ڕامانو ڕابەر ئاپۊی وێشا  رێکوزانێ، نیروو تایبەتشا پۍ پارێزناو وێشا دروس کەرڎەن وئەنجومەنی تایبەت بەوێشا ھەن. ماچۊ ڕابەرئاپۊ

پێ ئێمەو گرڎوگەلە چێردەسەکا گرچێوش کەرڎ، ئیسە  وەختوو ئانەین  ئا گۊشەگیریەو سەرو ڕابەر ئاپۊی ھوربگیرېۊنەو ئازاڎ کرېۊنە.

حەسەن  توڕایی وێش جە وەران وەرو بێدەنگی ھێزە میان نەتەۋەییەکا نیشانە ڎاو واتش: دۊڵەتێ میان نەتەۋەیۍ بە زوان ماچانۍ ئێمە پارێزەرو  مافەکاو مرۊڤینمۍ ،وەلۍ ئێمە ئانەما نەڎی، چونکیم ئەگەر پاسە بیۍ ئێمە سالۊو20١٤ ڕووەو ڕوو ئې کارەساتەیە نەبێنمێۋە، ئەگەر ماف ومرۊڤې بیۍ ڕابەر ئاپۊ ئازاڎکریێۍ.

مورادموسا ئەنڎامو ئەنجومەنو گەلو "دوھۊڵای" واتش: ئانەی ڕابەر ئاپۊی پۍ ئێزیدیەکاش کەرڎەن وەسف مەکریۊنە، ماچۊ مشیۊ گەلو ئێزیدی  پەی ڕابەر ئاپۆی بەرڎةوام  چالاکی کەرۆنێ، ماچۊ: ڕابەر ئاپۊ پەی گرڎو ئێزیدیەکا تێکۊشانش مکەرڎەن، جە ھەرېاگێۋە گەلێوی چێردەسە بیەبۊ پێسە ''ئێزیدی ومەسیحی وعەرەبی'' خۊنکارەکێ وشاگرڎەکۍ ڕابەرو کوردا پۍ ئا یاگۍ لوێنۍ.  هۆمێدماهەن هەرچی زووتەرا ئازاڎ بکرېۊ، هەرپاسە ماچۊ تا ڕابەرئاپۊ ئازاڎ نەکریۊ گەل و ئێزیدیچ ئازاڎ مەبۊنە.                                                                                                   

سوارخدر ئەنڎامو ئەنجومەنو گەلو "گوھبەلی" واتش: گۊشەگیرې سەرو ڕابەرئاپۆی ڕۊ بە ڕۊی تنتەرو قۆرستەر بۊنە، ھۆکارەکەیچش پې جۊرە شیکەرڎۊ، دۊڵەت و تورکیەی ئەرەگیرې

گەرەکش نیا ڕابەر ئاپۊ ئازاڎ بکرېۊ. ئەگەر ڕامان و ھزرو فەلسەفەو ڕابەرئاپۊې جە وەراسانو ناوەندیەنە  ۋەڵابۊۋە، وەراسان وناوەنڎی ئارام بۊنە، ھەرپاسە گەرەکش نیا نەتەۋە چێر دەسەکۍ ئازاڎێ بانە. ئێمە داواکەرمۍ  پارێزەرەکێش بتاۋا دیڎار و چەمپنەکەوتەی سازبکەرانیو ڕابەر ئاپۊ ئازاڎ بکرېۊ، ڕابەرئاپۊ هۆمێدو ئازاڎی گەلان.