تیمەکێ هەرمانگەو ڕاداری شارستانو (پاوە)ی سەر بە هەرێمو هەورامانی، دەرنجام جە دمای گلەیێ و داواکاریێ فرێ هاوموڵاتیانو ناوچەکەی، ڕاو حەوت کەشانی-شان کەردەوە.
ڕواو حەوت کەشانی ڕایێوە خاکییە، سەختە و کویسانییەنە و دەگاو هەجیجی مەبەسۆنەوە بە شارو نودشیەوە. نودشەیەکێ وازیارێنێ؛ بە تەمامیای ڕاکێ هەرمانگەو ئاۋێ و زێرابی سەر بە شارستانو پاوەی هەوڵ پەی یاونای ئاوێ پەی نودشەی بڎۆنە کە جە ئیسەنە پێسەو فرێوە جە شارێ و شارچێ و دەگایەکێ هەورامانی کەم ئاۋی زۆرش پەی ئاوردێنە. چونکە پەی یاونای ئاۋەکێ بە نودشەی هەرمانگەکە بەهانێش نەبییەی ڕێ جە میانو سەرچەمەکێ ئاۋێ و نودشەیەنە.