ئەندامو شاندو ئیمراڵیی پارتو یەکسانی و دیموکراسیی گەلا (دەم پارتی) و یاگەگیرو سەرۆکو پەرلەمانی سری سورەیا ئۆندەر چا خەسەخانەنە کە چنەشەنە چارەسەر هۊرگێرۍ، کۆچی دماینش کەرد،  پی بۆنۆ سەرۆکو یەنەکەی بافڵ تاڵەبانی پەیامێوە سەرەوەشیش وەڵاکەرڎۆ

جە پەیامەکەنە ماچۆ: " پەی ئی خەمە قووڵەیە پرسە و سەرەوەشی جە کەسوکاری ئێژایشا و پارتو دەمی و گرڎو ئا کۊششکارا مکەرو، کە ئینۍ خەمو ئاشتی و چارەسەرکەردەی کێشەو کوردینە بە دیالۆگ و گفتوگۆ."

هەرپاسە جە درێژەنە ماچۆ: " سری سوورەیا ئۆندەر کەسایەتیێوە دیار و دڵسۆزو گەلو کوردی بۍ، کە جە چن مەرحەلێوەنە داکۆکیکاری حەقەتینەو مافەکا گەلەکەیما بۍ، گرڎ هەوڵێوەش پەی چارەسەرکەردەی ئاشتییانەو کێشەکا و سەروستەی پرۆسەو ئاشتی جە سەرنیشتوو کوردەسانی و تورکیانە، جە دەسدای ئێژایشا یاگۍ ئەسەفیەنە و گەلو کوردی دڵسۆز و خەموەرێوە حەقەتینەش جە دەسدا ".

جە دما دماینە ماچۆ: " جە خوڎای گۊرەی داواکارێنمۍ رۆحو ئېژا سری سوورەیا ئۆندەری پەی هەمیشەی شاڎ بۆ و ئارامی و سەبووری بە گرڎ لێوە بەخشۆ".