شاندو ئیمراڵیی پارتو یەکسانی و دیموکراسیی گەلا (دەم پارتی) سەبای جە زینانو ئیمراڵی چنی ڕابەر ئاپۆی دیڎاری یەرەم ئەنجام مڎا. شاندەکە سەعات ١٧:٠٠ جە ئیستەنبوڵنە ئەرەیاۋنایشا مەبۆ.

شاندەکە جە ئەرەیاۋناکەینە بانگەوازەکەو ڕابەر ئاپۆی ئاشکرا مکەرۆ.

ئەرەیاۋناکەی بەشێوۍ ڕاسەوخۆ و سەرو شاشۍ گۊرێوە نیشانە مڎریۆ

ئامەدەنە جە مېڎانوو شێخ سەعیدینە سەرو شاشێوە گۊرێوە ئەرەیاۋناکەی بەشێوۍ ڕاسەوخۆ پەخش مکریۆ. چەمەڕا مکریۆ، جە شارەکاو دەوروبەریوە مەردم ڕووە بکەرانە ئامەدی.

وانیچەنە شاشێوە گۊرۍ جە مېڎانوو شارەکەینە منریۆرە، چەمەڕا مکریۆ هەزاران کەسۍ جە شارەکاو سەرحەدیوە، بەیانە وان.

دەم پارتی، پارتو هەرێمە دیموکراتیکەکا (دەبەپە)ی و تەڤگەرو ژەنا ئازادی (تەژەئا) داواشا جە گرڎ لێوە کەرڎ ، سەبای سەعات ١٦:٠٠ جە مېڎانوو ئامەدی و وانینە ئاماڎۍ با.