بە دەیان ژەنێ کانتۆنو فوراتی و دەسەو ژیوگەی بۆنۆو ٨و ئاداری ڕۆو جەهانی ژەنا کرێکارا ١٠٠ نەمامێ بەڕووێ جە دەگاو منازی سەر بە شارو کۆبانێ نریێ.

هامسەرۆکو ژیوگەو کانتۆنی فوراتی ئەلماز ڕۆمی واتش: "گرڏ ساڵێوە بۆنۆو ٨و ئاداریۆ چالاکی جۆراوجۆر ئەنجام دریۆنە. ئێساڵیچ بە دروشمو 'بە فەلسەفەو ژەنێ ئازادێ بەرەو سووریایێ دیموکراتیک' دەسش پنەکەرد. ئارۆیچ جە چوارچێوەو چالاکییەکا ٨و ئاداری ڤە دەگاو منازی نزیکەو ١٠٠ نەمامێ نریێ."

واتیشس: "ڕۆو ٨و ئاداری پی جۆرە دەسش پنەکەرد. چن چالاکیێ جۆراوجۆرێ ئەنجام دریێ. پەی ئانەی وڵاتەکەما سەوز کریۆنە و زیاتەر زەریف بۆنە، ئی چالاکی نەماما تاوەکو ڕۆو ٤و نیسانی بەردەوام بۆنە. پەنەوازا تەمامو ژەنا بەشداری چالاکی نەمام نییای کەرانە. ڕۆو ٨و ئاداری جە جەنگاوەرا یەپەژەی و گرڏو ژەنا موبارەک مکەرو."

جە چالاکیەکەنە دروشمو "ژەنی، ژیوای، ئازادی" و "بێ سەرۆک ژیوای نمەبۆ" بەرز کریاوە.