پارکو بولچەری کۆڵانە و کروزبێرگو بەرلینی بە مەبەسو یاڏکەردەیۆ ئاکەسا کە جە کۆمکووژی دێرسیمینە جە ساڵەو ١٩٣٧-١٩٣٨نە گەشمەرڏێ کریێ، بە مەراسیمێوە مۆنۆمێنتو کۆمکووژی دێرسیمی نریارە.

جە نییارەو مۆنۆمێنێتەکەینە سەرۆکو شارەوانی فریدریششاین-کروزبێرگی کلارا ‌هێرمان، وەزیرو کوشتوکاڵی و واردەو ئەڵمانیای جەم ئۆزدەمیر، هونەرمەند ئەزگی کلنچاسلان، تاریخ ئشناس، کۆمەڵشناس، هونەرمەند و نوێنەرێ ئەرەمەزیاکەی بەشدارێ بێنێ.

یاڏکەردەوەکەی بە دروشموو "یاڏش مارمێوە، مێوە یاڏما، کلتوورو وێما گەرەکمانە" دەسش پنەکەرد.

سەرۆکو فیدراسیۆنو جەمەو دێرسیمییانو ئەورووپای کەمال کارابولوت ئاماژەش بە پڕۆسەو دروسکەردەو مۆنۆمێنێتەکەی کەرد و سوپاسو ئاکەساشە کەرد کە جە وەشکەردەو مۆنۆمێنێتەکەینە هامکارێ بیێنێ.

سەرۆکو شارەوانی فریدریششاین- کروزبێرگی کلارا هێرمان ئانەش یاڏ وستیمێ کە چنین کەسێ جە دێرسیمۆ ئامێ کرەزوبەرگ و واتش: "تەنیا کەل و پەلەکێشا ناردێ چنی وێشا، بەڵکوم کلتوور و یادەوەرییەکێشا چنی وێشا ئاردێ. ئینە ڕازەی هامبەشەمانە. وەرو ئینەی ئارۆیچ ئینایمێ چێگە."

وەزیرو کوشتوکاڵی و واردەو ئەڵمانیای جەم ئۆزەدەمیر ئاماژەش پانەیەدا هەڵای جە تورکیانە کۆمکووژی دێرسیمی جە تاریخی فەرمینە شێونریۆ و واتش: "توڕەیی دێرسیمی ئینا چنیما ئارۆ جەکروزبێرگەنە. نامێ دارستانە سوورەکا لابریا. ئانێ مڏرامان کەرێنه گەشمەرڏێ کریێ."

دماو نییارەو مۆنۆمێنێتەکەی ڕەنجبەر، پونارا ما و ئیمام ئۆزگوڵ گۆرانیێشا واتێ.