مەڕاسیمەکە بە ئاماڎەبییەو ژمارێوە فرە جە هەورامیا ئەرەنیشتا شارە جیاوازەکاو بەریتانیای و بە ساتێ مدرای پەی گیانو بەخت کرییایا ڕاو ئازاڎیی کوردەسانی دەسش پەنە کەرد و دماتەر بە پێشکەش کەردەو چن وتارێوە زوانەوانی و ڕۆشنۋیری دۊڵەمەن کریا.

مەڕاسیمەکە بە چن پەخشانە شیعرێ و واتەو سیاوچەمانەی زیاتەر ڕازیاوە

جە بەشێ تەرو مەڕاسیمەکەیەنە سەرو نامێ پلاتفۆرموو هۆرام ی کۆششکار زەردەشت هۆرامی بابەتێوەش پێشکەش کەرد و واتش : پیرۆز کەردەو ڕۆو زوانی ئەڎایی و ساڵیاڎوو مەرزنارەو پلاتفۆرمو هۆرامی ئەرکێوە ئەخلاقی و نەتەوەیی و فەرهەنگیمانە و ئەشۆ تا پارێزناو یەکجاری زوانەکەیما گرد ڕوێما ڕۆو زوانی ئەڎایی بۆ تا جە فەوتنای پارێزنمێش

هەرپاسە داواش کەرد کە مشیۆ چی قۆناغەنە گردیما هەوڵو ڕێک وستەی و یۆگیری بڎەیمێ تاوەکو زوانما فەرهەنگما کلتورما جە فەوتنای پارێزنمێش و ئی هەنگامێچە پەنەوازش بە کەردەیۆ فێرگەی هەن چ بە ئۆنلاین یا کڵاس تاوەکو زاڕوڵەکاما فێرو زوانی ئەڎاییشا بکەرمێ و بە فەرهەنگ و کلتوری هەورامیانە پەروەردەۍ بکریا.

جە دما بەشو مەڕاسیمەکەیچەنە بە گۆرانی واتەی و هۊڕپڕای مەڕاسیمەکە پیرۆز کریا.