یەکینەکا پارێزناو جەوهەری (یەپەجە)ی ئەرەیاوناش پێسەو ناڕەزایەتییێ جە وەراوەرو دەس سەرەرە گێرتەو شارەوانی وانی، جە بەردەوامی چالاکییەکاشانە گورزەشا جە یەرێ تڕۆمبێلێ زرێپۆشێ ئەرەگیرا شانا.
جە ئەرەیاوناکەو یەپەجەینە جەختکریانۆ دژو سیاسەتەکا نکۆڵی، تاونایۆ و جەنگی بە قەرارێنێ جە پارێزناو دەسکەوتەکا گەلوو کوردی و هرووژمکەردەین سەرو هێزەکا دووژمنی.
بە پاو ئەرەیاوناکەی، جە وەراوەرو دەس سەرەرە گێرتەو ئیرادەو گەلوو وانی، یەکینەکا یەپەجەی چنین چالاکیێشا ئەنجام دێنێ.
پەیوەس بە چالاکییەکا ١٨و شوباتی، یەپەجە ئی زانیاریێشە وستێ ڕووە:
"جە وەراوەرو هێزەکا دۆڵەتو تورکی کە گەرەکشا بێ بلانە گەڕەکەو دوزیۆلی، بۆسە نریارە و جە ئەنجامەنە گورزە جە دووێ تڕۆمبێلی زرێپۆشی شنیا و دلێنە بریا.
جە هەمان دەقەنە بە چالاکیێ تەر جە مییانو وانی جە دژو تڕۆمبێلێوە زرێپۆشی کە هەوڵدانەنە بێ بلۆ کۆڵانەو یالیمەرەز بە مۆلۆتۆڤ و گەمەی ئێرین چالاکی ئەنجام دریا و زرێپۆشەکەو دووژمنی بە تەمامەتی دلێنە بریا."
