جە ٢٢ی تشرینو یوەمو ٢٠٢٤نە ، سەرۆکو مەهەپەی، دۆڵەتو باخچەلی جە گلێرۆبییە و فراکسیۆنو پارتەکەیشەنە پەرلەمانەنە قسێش کەردێ و باسش جە مافو هیوای پەی ڕابەر ئاپۆی کەرد و داواش چنە کەرد بێ جە پەرلەمانەنە قسێ بکەرۆ. ڕابەر ئاپۆ جە ٢٧و شوباتینە "بانگەوازو ئاشتی و گلێرگەو دیموکراتیکی"یش پەی  ڕاو گرڏی جەهانی وەڵاکەردۆ. بانگەوازەکەو ڕابەر ئاپۆی پێسەو مانیفێستێوە سەدەی وەسف کریا. سەدان سیاسەتمەدارێ و نوویسەرێ و ڕۆشن ویرێ پەشتیوانیشا جە پەیامەکەو ڕابەر ئاپۆی کەرد. نوێنەرێ دۆڵەتو پەشتیوانیشا جە بانگەوازەکەو ڕابەر ئاپۆی کەرد.

د. فیکرەت باشکایا چی بارۆ ئەرەیاوناش هەڵوێسو دۆڵەتی دڵنیایی مەبەخشۆنە و مایێ نیگەرانییا، دۆڵەت جە چارەسەرو پەرسەو کوردینە زیاتەر خەمو مەنەیۆ وێشا، واتش: "شێواز و  زوان و باسکەردەی جە پەرسەکێنە هیچ متمانێوە مەبەخشۆنە. تەرسەو  ئانەیم هەنە، مەسەلەکێ چارەسەرو پرسو کوردی نەبۆنە، بەڵکوم زیاتەر خەمو مەنۆیۆ وێش بۆنە دۆڵەتشا بۆنە".

"ئایا متمانە بە قسەکا ڕژێمی کریۆنە؟"

باشکایا ئەرەیاوناش متمانە بە ڕژێمێ مەکریۆنە کە دوورکەوتەنۆ جە بەها ئەخلاقییەکا، واتش: "چارەسەرو  پەرسەکێ بە ئەوەکۆشای مێ وەڵێوە. ڕژێمو ئیسلامو سیاسیی، خەمو ئاشتی و دیموکراسی و مافەکا ئینسانی و ئارامیی گلێرگەیش نییا. ئامانجشا ئانەن تورکیای کەرانە  میرنشینێوە ئیسلامی و پەی هەمیشەی جە دەسەڵاتەنە ،ەنۆوە. ئایا کریۆنە متمانە بە ڕژێمێ کریۆنە کە تەنانەت پابەندو یاسا دەستوورییەکا مەبۆنە و دوورا جە بەها ئەخلاقییەکا؟ بەڕاو من مەبۆنە مامەڵە چنی ئی ڕژێمەیە کریۆنە کە دوژمنو گەلیا؛ سەرەتا مشۆم ئەوەکۆشای پەی ئەرەپڕاو ئینەیە کریۆنە. تەنها دماو ئینەی تاومێنە پەرسەکێ فاڕمێوە پەی زەمینەو چارەسەر و واتا و بەهێوە بەدەس بارۆنە. دلێ خەڵەتێوە گۆرەینە، ڕاستیێ کولانە مومکین نییا. پەنەوازا سەرەتا ڕژێم بێنە ئاستێ کە پەرسەکێ چارەسەر بکەرۆ و دماتەر بێنە سەر و مێزەو گفتوگۆی. پاسە دیارا، پەرسەکێ نەوەک جە تورکیانە، بەڵکوم بەبۆنۆ دیزاینو ئیمپریالیسی جە فەڵەستین و لوبنان و سوریانە بییەن ڕۆژەڤ".

باشکایا ئەرەیاوناش ئانەی هەن پێسەو پرۆسەو ئاشتی پێناسە مەکریۆنە، مشۆن هەلومەرجی ئاشتی ڕەخسیۆنە، بەبێ ونە پەرسایۆ ڕادیکاڵی هیچ پەرسێوە چارەسەر مەکریۆنە، واتش: "پەی ئانەی باسو پرۆسەو ئاشتی کریۆند. مشۆم سەرەتا هەلومەرجو ئاشتی ڕەخسیۆنە. چارەسەرو پەرسەو کوردی تەنها بە دیموکراتیکبییەی تورکیای مێ دی. بڕوام نییەنە هیچ نەرم بیێوە جە زیهنیەتو "دۆڵەتو پیرۆزینە" ڕووەشدێبۆ. ئی ڕژێمە تواناو نەرمبییەیۆ و فارییایێ چی جۆرەش نییا. تورکیا پەنەوازیش بە پاک بییەیۆ ڕادیکاڵیا. وڵات تووشو هەرەسێ ئامان. هەڵای چەمکو "قەیران" ی پەی ئی ڕەوشەی کە تورکیا کەوتەن دلێش، وەسێ نییا. ئینە هەرەسە و وڕاین".