چنی مانگۊو ئاداری جە ناوچە جیاوازەکا هەر چوار پارچەو کوردەسانینە ئېرو نەورۆزی، جەژنەی نەتەوەییەو کوردا مکریۆوە. وەڵۍ ئانەینە بەشێوێوە ڕسمی کەردەیۆ ئێرو نەورۆزی ئەرەیاۋیۆ، هېزی شەوۍ جە دەگاو سەرگەورای جە ناوچەو بسمیل و سەرنیشتوو کوردەسانی، ئێرو نەورۆزی کریاوە و گەل بە جۆش و خرۆشۆ دەورشەرە کوۍ بیێوە و زەماۋنەشا گێڵنا.

نەورۆزو ئێساڵی جە ٨٤ مېیانا سەرنیشتوو کوردەسانینە پیرۆز مکریۆ. جە سەرانسەرو جەهانینە جە شار و دەگا جیاوازەکانە ئێرو نەورۆزی کریۆوە.

کۆمیتەو پیرۆزباییەکا نەورۆزی جە ١١و ئادارینە جە ئامەد و ئەستەنبووڵنە یەک وەختەنە ئەرەیاۋیۆ. یووەم ئێرو نەورۆزی جە ١٢و ئادارینە جە ناوچەو لجەی ئامەدینە کریۆوە. وە جە ڕوانگەو کورداوە گرنگتەرین یاگێنە پەی کەردەیۆ ئێرو نەورۆزی، چونکی ئا یاگۍ جە ٢٦-٢٧و تشرینی دووەمو ١٩٨٧ینە پەکەکەش چنە ئەرەمارزیا و  ئەرەیاۋېیا.