دلۍ پەرلەمانینە تەعزیە پەی سری سوریا ئۆندەری منریۊرە
دەم پارتی ئەرەیاۋناش ئارۆ جە پەرلەمانو تورکیاینە مەراسیمو تەعزیۍ پەی سری سورەیا ئۆندەری، یاگەگیرو سەرۆکو پەرلەمانو ئا وڵاتیە و ئەندامو شاندو ئیمراڵیی دەم پارتی ملۊڕاوە.
پارتو یەکسانی و دیمووکراسی گەلا (دەم پارتی) ئەرەیاۋناش ئارۊ جە مابەینو سەعات ١١:٠٠پەی١٣:٣٠ دەیەقا جە تەلارەو مەراسیمو پەرلەمانینە مەراسیمو تەعزیۍ و هامخەمی پەی کۊچی دماینو سری سورەیا ئۆندەری، پەرلەمانتارو دەمپارتی و یاگەگیرو سەرۆکو پەرلەمانی، هامکات ئەندامو شاندو ئیمڕالی-دەم پارتی ملۊڕاوە.
دەم پارتی ئاماژەش پانەیچ کەرڎەن، سەعات ١٤:٠٠ جە گلېرۊبیەو گرڎینو پەرلەمانو تورکیاینە یاڎکەردەیۆیۍ پەی کۊچی دماینو سری سورەیا ئوندەری ملۊڕاوە.
