بە پاو هەواڵێوە ئاژانسو ڕۆژنیوزی کە پەشتی بەزانیارییە هەرێمیەکا بەسۆنە، دۆڵەتو تورکی جارێوەتەر جە ڕاو فرۆکە جەنگیەکا و تۆپخانەکاشۆ بۆمبۋارانو هەرێمو برادۆسیش سەر بە پارێزگاو هەولێری کەردەن.

بە پاو هەواڵەکەی جە ئاکامو  بۆردوومانەکەینە  زەرەرێ فرە  وەرو ڕەز و باخەکا هەرێمەکەی کۆتەن.

دەربارەو زەرەری ڕۆحی حیچ زانیاریێوە وەڵا نەکریانۆ.

هەرپاسە سەرسەعبو ئارۆی فرۆکە جەنگیەکۍ دۆڵەتو تورکی بە چڕی بۆردوومانو لادەگایەکا بنارو قەندیلیش کەردەن.

جە بارەو بۆردوومانەکەیۆ هامسەرۆکەو شارەوانی بنارو قەندیلی سەروین جەلال-ە ئاماژەش پانەیە کەرڎەن؛ کە دەگایەکۍ 'خرێ یاس، گۆرگامێشەی و ناودەشتیان جەلایەنو دۆڵەتو تورکیۆ بۆمۋارانۍ کریێنۍ و زەرەرێ فرە وەرو سروشتی و مەنتیقە کشتوکاڵییەکا ئا دەگایا کۆتەن.