بە پاو زانیارییەکا شەوەو جومعە سەروو شەممەی هێزەکاو پاسەوانی سنووروو دەوڵەتوو ئێرانی جە سنووروو حاجی ئۆمەرانینە تەقەشا جە ژمارێوە کۆڵبەرا کەردەن و پا مەڵامەتۆ دووۍ کۆڵبەرۍ زامڎارۍ بیێنۍ.

ئا کۆڵبەرێچە سەعدی مەحمودی خەڵکوو دەگاو هەنگاوای و ئومید ئازەری خەڵکوو دەگاو گردباسکی پیرانشارینۍ.

ماوەو چن مانگێوەن بە ئامانج گێرتەی کۆڵبەرا بە شێوێوە ۋەرچەم زیاڎش کەردەن و تەنیا جە مانگەو بەفرانبارینە چوار کۆڵبەرۍ گیانشا جە دەسدان و ٤١ کۆڵبەرێچ زامڎارۍ بیێنۍ.

بەپاو ئامارەو رێکوزیاکا مافوو مرۆڤی جە ۋەرکەوتوو کوردسانی ساڵەی ویەردۍ زیاتەر جە ٣٠ کۆڵبەرا کوشیۍ بێنۍ و نزیکەو ٢٧٠ کۆڵبەرایچ زامڎارۍ بیێبێنۍ، ئینەیچ بەرزتەرین ژمارەو قوربانیا کۆڵبەران جە ١٠ ساڵی ویەردەنە.