گەریلا تیڤی دیمەنێوەش وەڵا کەرڎۆ کە نزیکەو ٢ دەیەقان و ئەرەیاۋناش جە ئایندەنە دیمەنی ۋەرفراوانتەر وەڵا مکەراوە.

جە دیمەنەکەنە ئا ساتە وەختۍ بەرگنا کە چنی گەریلا جە هەلومەرجی دژوارەنە پەی ئەنجامدای چالاکییەکەی هەنگامە منیا، هەرپاسە ساتە وەختو ئەنجامدای چالاکییەکەی موینیۆ.

مېیانو ئەرەیاۋنای و چاپەمەنی هەپەگەی جە ٢٢ ۍ شوباتینە ئەرەیاۋنێوەش وەڵاکەرڎۆ و ئەرەیاۋناش، هێزەکاو گەریلای جە کوڕەژارۆنە "ماوەو کەمتەر جە ٢٠ دەیەقانە تەمامو کەشەکەیشا جە ئەرەگیرا پاککەردۆ".

هەرپاسە دەربارەو چالاکییەکەی ئی زانیاریێشە وەڵۍ کەردێوە: " گرڎو پێگە و خێمۍ سەرو کەشەکەیشا بە نارنجۆکۍ و چەکی تاکەکەسی و نیم ئۆتۆماتیکی جە مەودێوە نزیکەنە کەردۍ ئامانج و دلېشانە بەردۍ. کۆگاو تەقەمەنی ئەرەگیرا جە کەشەکەنە و کامێرێوە چەمڎاری دلېنەبریۍ، هەرپاسە سیستەمو تەلەفریکو سەرو کەشەکەی دلېنەبریا. پەنج خێمۍ ئێرشا ۋەردریانە و دلېنە بریۍ. هەرپاسە هێزەکېما لوۍ دلۍ خێمەکا تەری و جە خێمەکا تەرینە دەسشا سەرو ژمارێوە فرە جە چەکی و کەرەسەی سەروازیرە گېرت. هێزەکېما لوۍ سەرو تەرمو ١٠  ئەرەگیرا و سزادای ئەرەگیرەکاشا پەشڕاسکەردۆ. سوپاو ئەرەگیرو تورکی پەی شارتەیۆ شکسو ۋێش، تەنیا دڎانش پانەیرە نیا کە مسەفا ئۆسلۆی ئەرەگیر جە لایەنو گەریلاکاوە سزا دریان. بەڵام چی ئۆپراسیۆنە شۆڕشگێڵنیە سەرکۊتەنە هێزەکېما پەشتڕاسشا کەردەنۆ کە بە گرڎی ١٠ ئەرەگیرۍ کە دلېشانە فەرماندێوە پلەداریچ هەن سزا دریێنۍ. نامۍ ئەرەگیرە سزادریایەکا کە تا ئیساتۍ ڕۊشن بیەنۆ، ئینێنۍ: ئیلهان کوکسۆی، حوسێن ئۆزداڵ و ئەیوب ئۆکسۆز".

هەرپاسە تەئکیدکریاوە کە دەس سەرو چڼین جۊرا جەچەکی و کەرەسەی سەروازیرە گیریان و لیستێوە دەربارەو ئی چەک و کەرەسا وەڵا کریاوە.