دیمەنوو چالاکیېوە جە خواکورک وەڵاکریاوە
گەریلا تیڤی دیمەنوو چالاکیېوە سابۆتاژیش وەڵا کەرڎۊ، کە ھەرێموو خواکورکینە دژوو سوپاو تورکی ئەرەگیری کریان.
وەڵتەر ناوەنڎو ئەرەیاۋنا و چاپەمەنی هەپەگەی جە بارەو چالاکییەکەیۊ ئی زانیاریەشە وەڵاکەرڎەبېوە:
"جە هەرێموو خواکورکی؛
'٩و ئابی جە مېڎانوو گەشمەرڎە قەهرەمانی جە وەران وەروو ئەرەگیرانە کە جە ئۆپراسیۆنەنە بېنۍ و گەرەکشابۍ بلا دلۍ سەنگەرەکاو دووۍ جارۍ بە سابۆتاژ چالاکی کریا و دووۍ ئەرەگیرۍ زامڎارۍ بیۍ. سەعات ١٦:٠٠ دژوو ئەرەگیرا جارێوەتەر بە سابۆتاژ چالاکی کریا و ئەرەگیرېوە سزادریا. جە ئاکاموو چالاکیەکەینە ئەرەگیرەکۍ کە گورزەشا ۋەرکەوتېبۍ بە شێۋېوە بێ ئەنجام جە ئۆپراسیۆنەکەنە کیشیېبېنۍ.
ئا چالاکیە جە لایەنوو هێزەکا یەژاستاریماوە ئەنجامدریا و چنەشەنە ئەرەگیرېوە سزادریا و دووۍ ئەرەگیرېچ زامڎارۍ بیۍ. چالاکیەکە پۍ یاڎکەرڎەیۊ فەرمانڎەی نەمریما عەگید گارزانی ئەنجامدریا، کە جە وەختوو ۋیەرناو ئەرکەکاشەنە پېسە فەرمانڎەو ئەیالەت و خواکورکی جە ١١و ئابوو ٢٠٢٠ینە گەشمەرڎەبیەبۍ".
