جە ئەرەیاونای کەنەکەینە ئامان؛ شۆڕشو وەرنیشتی کە جە ١٩و تەمموزی ٢٠١٢ دەسش پنەکەرد، یاوا ئاستێوە تازە و ئەرەیاوناش، "کۆبانێ خاڵەو دەس پنەکەردەو شۆڕشو وەرنیشتین و ئاڵاو ڕزگاریین وەراوەر بە هێزە ئەرەگیرەکا. گەلوو کوردی و دۆسەکاشا جە ٢٦و کانوونو دووەمی ٢٠١٥ دژو داعشی سەرکەوتەیشا بەدەسئارد و ئی سەرکۆتە تاریخیە تەنیا سەرکۆتەی سەربازی نەبێ، بەڵکووم سەرکەوتنێوە بێ کە بە ئیرادەو یۆبییەی گەلوو کوردی یاوا ئەنجام."

'داعش گوزرێوە فرە قورسەش جە کۆبانێنە وەرکەوت'

ئەرەیاوناکەو کەنەکەینە ئەرەیاویا کە داعش گورزێوە قورسەش جە کۆبانێنە واردێنە و واتش: "مڏرامانو کۆبانێ پێسەو دلێنە بەردەی گۆرەو داعشی لوا دلێ ڕاپەڕەکا تاریخی. ئی سەرکۆتەیە بە هەوڵدای هامبەشو گەلوو کوردی و شۆڕشەکا وەرنیشتی بەدی ئاما. ئەوەکۆشای ئازادی کە جە کۆبانێ دەسش پنەکەرد، بی بە مەڵامەتو ڕزگار کەردەی چنین هەرێما چانیشا ڕەقە کە داعش بە پایتەختو وێش نامێش بەرێ. ئی پڕۆسە بە فیداکاری یەپەژە و یەپەگە، بە پەشتیووانی گەلوو کوردی جە هەر چوارپارچە و بە پەشتگیری هێزە دیموکراتیکەکا بە دی ئاما".

'پارێزناو وەرنیشتی پارێزناو گرڏو مرۆڤایەتیین'

ئەرەیاوناکەو کەنەکەینە یاڏ وسیاوە ئاماژە پانەیەکریان کە تورکیا ڕاستەوخۆ و ناڕاستەوخۆ هرووژمو وەرنیشتی مکەرۆ کەنەکە واتش: "دماو دلێنەشییەو داعشی دۆڵەتو تورکی ڕاستەوخۆ بەرەو وەرنیشت ئاما و هرووژمش کەرد. هەرێمەکێ پێسەو عەفرینی، گرێ سپی و سرێکانی نمونێنێ جە سیاسەتەکا ئەرەگیرو تورکیای. ئیسە هرووژم سەرو کۆبانێ و دەوربەرو بەنداو تشرینی مکەرۆ، بەڵام مەبۆ جە یاڏکریۆنە پارێزناو وەرنیشتی نەک تەنیا پارێزناو گەلوو کوردین، جە هەمانکاتەنە پارێزناو تەمامو بەها هامبەشەکا مرۆڤایەتیین".

'ڕۆحو مڏرامانی بەردەواما'

واتیشش: "ڕۆحو مڏرامانی جە کۆبانێنە باڵا بییەن. هیواو ئازادی کوردەسانی و مرۆڤایەتیین. مشۆم دەستکەوتەکا شۆرشو وەرنیشتی پارێزنمێ و مڏرامانو کۆبانێ یاڏکەرمێوە. ١٠ ساڵێ جێوەڵتەر داواما جە گەلەکەیما و، دۆساما و تەمامو مرۆڤایەتیی کەرد کە وەرنیشتی پارێزندێ. بی مەڵامەتۆ ساڵڕۆو سەرکەوتەی کۆبانێ و ڕزگارکەردەی کانتۆنەکا وەرنیشتی جارێوەتەر موبارەک مکەرمێ".