دیوانی باڵاو دادوەری ئێرانی سزاو حاتەم ئۆزدەمیریش پەسینا
بەپاو هەواڵێوە تۆڕەو مافەکا مرۆڤو کورڎەسانی دیوانو باڵاو دادو ئێرانی سزاو جە قەنارەدای حاتەم ئۆزدەمیری زیڼانی سیاسیی خەڵکو سەرنیشتوو کورڎەسانیش پەسینا.
تۆڕەو مافەکا مرۆڤو کورڎەسانی وەڵاش کەرڎۆ، جە ڕوانی ۋییەرڎەنە دیوانو باڵاو دادو ئێرانی سزاو جە قەنارەدای ئا زیڼانیە سیاسیەیشە پەسینان. دماو بەرکەرڎەی سزاو جە قەنارەدای جە دادگاو شۆڕشو ورمێنە، دۆسیەو ئی زیڼانیە سیاسیە، جە لایەنو پارێزنەرەکەیشۆ تەعنش ۋنەدریابۍ و رەوانەو دیوانو باڵاو دادی کریابۍ.
بە پاو گوزارشتەو تۆڕەو مافەکا مرۆڤو کورڎەسانی حاتەم ئۆزدەمیر خەڵکو سەرنیشتوو کورڎەسانیا جە ١١و پوشپەڕو ١٣٨٩ (٢ۍ تەمووزو ٢٠١٩)ی چنی گروپێوە جە گەریلاکاو پەکەکەی جە ناوچەو سنووری چاڵدېرانی جە پاڕێزگاو ورمێ کۊتێبێنۍ دامەو هێزە سەروازییەکا ئێرانی و بە مەڵامەتو ئەوەتەقای هاوەنێوە بە بێهۆشی و زامڎاری فاڕیابێوە پەی زیڼانو ئیتلاعاتو سوپاو پاسدارا ورمێ و دماو نزیکەو ٥٠ ڕوا مەنەیۆ چێرو ئەوەکۊڵیای و ئەشکەنجەینە، جە ٢٨و گەلاوێژو ١٣٩٨ (١٩و ئابو ٢٠١٩) فاڕیابێوە پەی زیڼانو ناوەندی ئا شاریە.
