پائۆلۆ زامۆری ئەرەیاۋناش، کە ویرۊکەو کۊنفیدڕاڵیزمی دیموکراتیکی رابەرو گەلوو کورڎی عەبدوڵا ئۆجالانی ڕېوە تازېنە پۍ سۊسیالیزمی و ۋاتش، ئا ئەندێشە و ویرکەرڎەیۊ کاریگەری مکەرۊ سەرو چەپی جە جەهانو وەرنیشتینە.
سەرۊکی وەڵین و شارەوانی فیلاتیەریای ئیتاڵیای کە هاموڵاتیبیەی فەخریش بە رابەر ئاپۊی بەخشابۍ، دماو ئانەی کە ساڵەو ١٩٩٩ی جە رۆما دوۋۍ سەعاتۍ دیڎارش چنی عەبدوڵا ئۆجالانی ئەنجامدابۍ، پۍ ماوەو چنڎین ساڵا سەرو پەرسو کورڎی و ویرۊکەو کۊنفیدڕاڵیزمی دیموکراتیکی هەرمانەش کەرڎە و هەڵایچ سەرو ئانەی وەردەواما.
زامۆری جە سەرداکەیشەنە پۍ شەنگالی قسېش پۍ ئاژانسو هەواڵی فورات (ANF)ی کەرڎۍ.
زامۆری باسش چانەی کەرڎ کە یوۋەم جار جە رۆما جە دیڎارشەنە چنی عەبدوڵا ئۆجالانی ئاشنا بیەن بە ئەندێشەو کۆنفیدڕاڵیزمی دیموکراتیکی و ئەرەیاۋناش، رابەرو گەلوو کورڎی دماتەر جە زینڎانەنە ئا ویرۊکەو ۋېش بەقوەتتەر کەرڎەن.
زامۆری ئانەیچش وست ڕووە کە ئی ویرۊکەو عەبدوڵا ئۆجالانی کاریگەریش جە چەپو جەهانی جە وەرنیشتەنە کەرڎەن و ۋاتش، کە کۊنفیدڕاڵیزمی دیموکراتیک ڕېوە تازېنە پۍ سۊسیالیزمی و داڎپەروەری کۊمەڵایەتی.
زامۆری ئەرەیاۋناش، کە عەبدوڵا ئۆجالان فەیلەسوفېوە گۊرەن و ئاماژەش پانەی کەرڎ کە ئاڎ وېچش حۊل مڎۊ ئەندێشەکا عەبدوڵا ئۆجالانی جە ئیتالیانە ۋەڵاکەرۊوە.
زامۆری باسش چانەی کەرڎ کە ئاژەو شەنگالی مایەو نیگەرانیا، چا ڕوۊن کە ئامان وەردەوام بە فڕۊکەی بێفڕۊکەوان هجوم ئەنجام مڎریۊ، خاڵەکۍ وشکنای جە دۊروبەرو شەنگالینە زیاڎشا کەرڎەن و ۋاتش، جە وەران ۋەرو ئینەینە شەنگالیەکۍ جە مەجال و ئایدۊلۊجی کۊنفیدڕاڵیزمی دیموکراتیکینە زیاتەر قایلۍ بیېنۍ.
زامۆری ناڕەزایش وەران ۋەر بە پەدەکەی و حکومەتو تورکی بەربڕی و ۋاتش، "پەکەکە و عەبدوڵا ئۆجالان فێرشا کەرڎیمۍ کە مشۊ ۋېما پارېزنمۍ، مەکریۊ ئێمە داوا جە کەسی کەرمۍ کە پارېزنۊما".
زامۆری ئانەیچش وست ڕووە کە ئا چېۋۍ چېگە جە شەنگال ۋینېنێش وەختو گېڵایۊیش پۍ ئیتاڵیای پۍ گەلی و وەرپەرساش گېڵنۊوە.
هـ . ش
