بەپاو زانیارییەکا و ئا وێنۍ وەڵۍ کریێنێوە، بەرگنۆ فڕۆکە بێفڕۆکەوانەکە جە جۆرو “بەیرەقداری تی بی٢”ۍ هرووژمبەرو دۆڵەتو تورکین. فڕۆکەکە ئڼە بە نزمی خولیۆوە بە ئاسانی بە چەمۍ پیویۆ.

وەڵتەر جە ١٠ و ١٦و ئەیلوولو ئێساڵی بۆمبۋارانو ناوەندو کامپو پەنابەرا گەشمەرڎە ڕۆستەم جودی (مەخموور)یش کەرد، پا مەڵامەتۆ یەرۍ ئەڎۍ زامڎارۍ بیۍ، ئینە جە کاتێنە بۍ کە شاندو نەتەوەیۆگێرتەکا و سوپاو عێراقی جە کامپەکەنە سەرئەژماری ئەرەنیشتا کەرێنۍ.

شیاوو باسیا فڕۆکەی بێفڕۆکەوانو دۆڵەتو تورکی ئەرەگیری بەردەوام ئاسمانو کامپو مەخمووریرە خولیۆوە و جار جارەیچ بۆمبۋاران مکەرۆ و هاموڵاتییا مەدەنی گەشمەرڎۍ مکەرۆ، ئینە جە کاتێوەنە مەخموور دەیان کیلۆمەترۍ جە سنوورو تورکیایۆ دوورا و حکومەتو عێراقی ۋەرا ۋەر پا پاشێلکاریا بێدەنگیش هۆرچنیەن و هیچ هەڵوێسێوەش جە دژ نەرمانان.