عەبدولقادر گولەچ سەرۆکو نووسینگەو پارێزنەرا ئامەدی سەبارەت بە بانگەوازە ڤیدیۆییەکەو ڕابەر ئاپۆی ئەرەیاوناش، پەی ئانەی گلێرگە خاوەنداری جە پڕۆسەکەی بکەرۆ، پەیامەکە هەنگامێوە گرنگە بێ، وە مەڵامەتێوەن پەی برەودای بە بنیاڎنیاو گلێرگە و دیموکراتیکی.
عەبدولقادر گولەچ سەرۆکو نووسینگەو پارێزنەرا ئامەدی قسێش پەی ئاژانسس هەواڵو فوراتی (ANF)کەردە و ئەرەیاوناش، بە بانگەوازس ڕابەر ئاپۆی بە شێوێ فەرمی پڕۆسێوە تازە دەسش پنەکەرد.
گولەچ ئاماژەش پانەی دا کە بانگەوازو ٢٧و شوباتی پی بانگەوازییەی خاستەر ڕۆشن بییۆ و واتش: "پەی یوەم جاری جە ماوەو ٢٦ ساڵانە ئێژا ئۆجالان چنی سکرتێڕەکا وەردەمو کامێراینە بەرکەوت و پەی ڕۆشنکەردەیۆ بانگەوازو ئاشتی و گلێرگە و دیموکراتیکی ٢٧و شوباتی و خێراکەردە و پرۆسەو چەک نییایرەی. ئی ئەرەیاونا تاریخییەش وەڵاکەردۆ. ئی ئەرەیاونا پێسە و ئەرەیاونا و ٢٧و شوباتی تاریخییا."
عەبدولقادر گولەچ ئاماژەش پانەی دا کە گلێرگەی دیموکراتیک و سیاسەتو دیموکراتیکی چیسەولای بە هێزۆ ملۆ وەڵێ.
گولەچ ئەرەیاوناش، دەس وەردای جە ئەوەکۆشای چەکداری جەلایەنو پەکەکەیۆ دلێ گلێرگەینە ئینا ئاستێوە بەرزەنە قبوڵکریان و واتش: "مەبەسم نە تەنیا گەلوو کوردین، مەبەسم گلێرگە و تورکیای و گەلا تورکیاین."
گولەچ ئاماژەش پانەیشدا کە دما و بانگەوازەکەو ڕابەر ئاپۆی، پڕۆسەو جابەجێ کەردەی دەسش پنەکەرد و واتش: "جە ڕوانگەو منۆ دما و ئی ئەرەیاونایە گلێرگە پاڵپشتی بەهێزتەر و جددیتەر جە پرۆسەکەی مکەرۆ."
عەبدولقادر گولەچ جە بەردەوامینە واتش و جەختش چانەی کەردۆ کە پەنەوازا ئیتر جە پەرلەمانەنە کۆمیسیۆنێوە پئکبێنە و واتش: "تەنها بە بانگەوازیێ گرڏ چێوێ خاس مەبۆ، بەڵام سیاسەتمەدارێ، ڕۆشنبیرێ، ڕۆنامەنوویسێ و ئوپۆزسیۆنێ دەرفەتشا ئینا وەردەسەنە تاوانە بە شێوێ چالاکانە جە سیاسەتەن بەشداری بکەرا. پەیامێوە گرنگا، هەرپاسە پەی دمای ئاردەی بە سەردەمو ئەوەکۆشای چەکداری، پەی وەشکەردە و دەرفەتو یاسایی و سیاسەتو دیموکراتیکی، دەرفەتێوە بەهێز ڕەخسیۆنە."
