ژەنی وانی سەبارەت بە پەیامە ڤیدیۆییەکەو ڕابەر ئاپۆی هەست و ویرکەردەیۆ وێسا جە ڕاو ئاژانسەکەیما وەڵاکەردۆ. ژەنی ئاماژەشا پانەی کەرد، ئارێ چی پڕۆسەنە دەورو سەرمەشقایەتی وێشا و هامکاریشا گۆرە مکەرا و بە پاو ڕوحس پڕۆسەکەی هەرمانە مکەرا.

یۆ جە چالاکوانا تەڤگەرو ژە ا ئازادی (تەژەئا) خەدیجە ئۆکتایە جەختش چانەیە کەردۆ پەیامەکەو ڕابەر ئاپۆی نەک تەنیا پەی تورکیای، پەی تەمامو وەرکەوتوو دلێڕاسەی ساتەوەختێوە یەکلا کەرەوەن و واتش، "بانگەوازێوە کە دما و ٢٦ ساڵا کریا، جۆش و خرۆشێوە جددیش دا بە گلێرگەی، ئەرەیاوناش، حەرچی دەسمانە بێ مکەرمێش.

'بانگەوازەکە ساتەوەختێوە تاریخییا'

چالاکوانە و تەژەئای زەینەب کایا ئەرەیاوناش، بانگەوازەکە ئا هەنگامە بێ کە ساڵانێوەن هیواش پەی وززمی و ئاماژەش پانەی کەرد کە وەرپرسیارێتیی گنۆنە ئەستۆو گرڏ و توێژەکا گلیرگەی. کایا واتش، " بانگەوازەکەو ئێژا ئۆجالانی فرە ئێژان. پەنەواز مکەرۆ گرڏما بلمێ دەمو بانگەوازەکەی. وەرو ئانەی پەی ژەنێ، گەنج، گەلوو کوردی و گەلا چێردەسەی ئی پەیامە فرە مانادارا. ئاشتی تەنیا بە ئەوەکۆشای هامبەش و پەشتیوانیی کۆمەڵایەتی کریۆ بەدیبێ. بانگەوازەکە هەم جەڕوانەگە و ناوەڕۆکی و هەمیچ جە ڕوانگە و کاتیۆ ساتەوەختێوە تاریخییا."

'جۆش و خرۆشێوەن پێناسە مەکەریۆ'

چالاکوانە و تەژەئای ڕۆژبین بۆرە ئاماژەش پانەی کەرد، پەیامە ڤیدیۆییەکەو ڕابەر ئاپۆی و بانگەوازو ئاشتی بە قسێ پێناسە مەکریۆ، ساتەوەختێوە تاریخییا و جە گلێرگەنە، بەتایبەتیش دلێ ژەنانە هیوا و جۆش و خرۆشێوە گۆرەش وەش کەرد.

بۆرە ئاماژەش پانەی کەرد، جە جەنگو چن ساڵەینە ژەنی باجی گۆرەشا دان، ژەنی جە ئازادی و مێڏانو ژیواینە بێبەش کریێنێ و واتش، "بازنەی هەرە قووڵو خەزێنەکەی ژەنینە."

'ئا پارادایمەی کە پەی تەمامو وەرکەوتوو دلێراسەی ڕۆشناییا'

بۆرە ئەرەیاوناش، پەیامەکەو ڕابەر ئاپۆی پەی ژەنا تەنیا دیمێ سیاسی نییا، بەڵکوم خاوەن مانێوە ڕۆشنەنە و واتش، "بەڕاسی پەیبژەنا تاکە ڕا و ڕزگاری پارادایمو ئێژا ئۆجالانین. وینمێ ئی پارادایمە ئارۆ پەی تەمامو وەرکەوتوو دلێڕاسەی بییەن هیوایێ تازە."

بۆرە ئاماژەش پانەیش دا، پەنەوازا ژەنی بانە هێماو سەرەکیی پڕۆسەکا ئاشتی و ئەرەیاوناش: "دۆڵەتێ جە شەوێنە تاوانە یان ڕێکێ گنا یان جەنگ بکەرا، بەڵام پۆزیسیۆن و ژەنا پی جۆرە نییا."

'پەنەوازا گرڏ بەشداریی ئی ئیرادەیە بانە'

بۆرە باسش چانەیە کەرد، دما و بانگەوازو ئاشتی، پەنەوازا گرڏ وەرپرسیارەتی وێشا جابەجێ بکەرا. ئەرەیاوناش کە ڕابەر ئاپۆ ٢٦ ساڵێن ئینا گۆشەگیرینە، پەیامێوە بەهێزش دا و واتش، "دلێ هەلومەرجی چی جۆرەنە زەحمەتا تاومێ ئیرادێوە ئنە بەهێز نیشانە دەیمێ، پەنەوازا گرڏ بەشداریی ئی ئیرادەیە بانە."