جەمېوە جە ڕامیاریمەدار، نوېنەرا ڕېکوزیاکا گلېرگەی مەدەنی، ڕۊنامەوانا و نوویسەرا کە خوڵقۊو مەراسیم و جاڕداکەو گەریلای کریێنې، پەی ڕووماڵکەرڎەی جاڕداکەو گەریلای جە ئامەدۊ بەرەو سلېمانی کۊتې ڕا.
جەمېوە جە گەریلاکاو ئازادی کوردەسانی، سەرو بنەماو بانگەوازییەکەو ڕابەر ئاپۆی، قەرارا سەبای جە سنوورو سلێمانیی پانیشتوو کوردەسانینە ئەرەیاۋنێوە ڕۆنامەوانی بڎا بە میدیاکا. پەی ڕووماڵکەردەی ئەرەیاۋناکەو گەریلای، گرووپێوە ١٥٠ کەسی جە ڕامیاریمەدار، نوېنەرا ڕېکوزیاکا گلېرگەی مەدەنی، ڕۊنامەوانا و نوویسەرا ۋەر بەرەو ساحەو ئامەدینە جە ناوچەو پەیاسی گلېرې بیێوە و بەرەو شارو سلێمانی پانیشتوو کوردەسانی کۊتې ڕا.
جە گرووپەکەنە هامسەرۆکا گرڎیی پارتو هەرێمە دیموکراتیکەکا (دەبەپە)ی چیدەم کلچگون ئوچارە و کەسکین بایندەر، واتەواچەو ئەنجوومەنو ژەنا دەم پارتی خالیدە تورکئۆغلووە، زەینەڵ کاتی سەرۆکو گرڎینو دادی، هامسەرۆکو گرڎیی ئۆهەدەی ئەکین یەتەر و بەشێوە جە ئەنداماو توهاد-فەدی (TUHAD-FED) بیەیشا هەن.
