ڕابەر ئاپۆ جە چوارچێوەو "پڕۆسەو ئاشتیی و گلېرگەی دیموکراتیک"ـینە پەیامێوە ڤیدیۆییش وەڵا کەرڎۆ. گەلاو کوردەسانی دماو ٢٦ ساڵا دەنگ و ڕەنگو ڕابەر ئاپۆیشا ئەژنی. هامشێوەو کوردەسانی ئۊروپایچەنە جۆش و خرۆشو گەلی ئینا بەرزتەرین ئاستەنە. کوردەسانیا جە هۆڵەندا و فەڕەنسا بە گێڵنای زەماونې گوزارشتشا جە وەشی و شاڎییەکاشا کەرد بە بۆنەو وینای ڕابەر ئاپۆیۆ.

ئەمستەردام

کوردەسانیا جە مېیانو گلېرگەو کوردی دیموکراتیکی (دەکەتەم)ی جە ئەمستەردامو پایتەختو هۆڵەنداینە کوې بیێوە و پېوەرە تەماشەو دیمەنو پەیامە ڤیدیۆییەکەو ڕابەر ئاپۆیشا کەرڎ. کوردەسانیا دماو ٢٦ ساڵا ڕابەر ئاپۆشا جە ڕاو ڤیدیۆیۆ دی و گۆششا جە دەنگیش بې.

چنی وینای پەیامەکەی، کوردەسانیا پێوەرە دروشمۊو "بژیۋۆ سەرۆک ئاپۆ"یشا واتۆ.

پاریس

هامشێوەو دلې و جبەرو کوردەسانی، جە گەڕەکۊو ڤیللیەرس-و پاریسیچ کوردەسانیا ۋەربەرەو باڵەخانەو مېیانو گلېرگەی دیموکراتی کوردی (دەکەتەم)ینە کوې بیێوە و هۊرپڕایشا کەرد.

کوردەسانیا دماو وینای پەیامەکەو ڕابەر ئاپۆی، زەماۋنەشا گێڵنا و دروشمۊو "بژی سەرۆک ئاپۆ"یشا واتۆ.