عەبدولقادر گولەچ سەرۆکی نووسینگەی پارێزەرانی ئامەد سەبارەت بە بانگەوازە ڤیدیۆییەکەی ڕێبەر ئاپۆ ڕایگەیاند، بۆ ئەوەی کۆمەڵگە خاوەنداری لە پڕۆسەکە بکات، پەیامەکە هەنگاوێکی گرنگ بوو، وە هۆکارێکە بۆ برەودان بە بونیاتنانی کۆمەڵگەی دیموکراتیک.
عەبدولقادر گولەچ سەرۆکی نووسینگەی پارێزەرانی ئامەد قسەی بۆ ئاژانسی هەواڵی فورات (ANF)کرد و ڕایگەیاند، بە بانگەوازی ڕێبەر ئاپۆ بە شێوەیەکی فەرمی پڕۆسەیەکی نوێ دەستی پێکردووە.
گولەچ ئاماژەی بەوەکرد کە بانگەوازی ٢٧ی شوبات بەم بانگەوازییەوە باشتر ڕوون بووەو و وتی: "بۆ یەکەمجار لە ماوەی ٢٦ ساڵدا بەڕێز ئۆجالان لەگەڵ سکرتێڕەکانی لەپێش کامێرادا دەرکەوت و بۆ ڕوونکردنەوەی بانگەوازی ئاشتی و کۆمەڵگەی دیموکراتیکی ٢٧ی شوبات و خێراکردنی پرۆسەی چەک دانان. ئەم ڕاگەیەندراوە مێژووییەی بڵاو کردەوە. ئەم ڕاگەیەندراوە وەک ڕاگەیەندراوی ٢٧ی شوبات مێژوییە."
عەبدولقادر گولەچ ئاماژەی بەوەشکرد کە کۆمەڵگەی دیموکراتیک و سیاسەتی دیموکراتیک لەمەودوا بە هێزەوە بەرەو پێشەوە دەچێت.
گولەچ ڕایگەیاند، دەستبەردان لە تێکۆشانی چەکداری لەلایەن پەکەکەوە لەناو کۆمەڵگەدا لە ئاستێکی بەرزدا قبوڵکراوە و وتی: "مەبەستم نە تەنها گەلی کوردە، مەبەستم کۆمەڵگەی تورکیا و گەلانی تورکیایە."
گولەچ ئاماژەی بەوەشدا کە دوای بانگەوازەکەی ڕێبەر ئاپۆ، پڕۆسەی جێبەجێکردنی دەستی پێکرد و وتی: "لە ڕوانگەی منەوە دوای ئەم راگەیاندنە کۆمەڵگە پاڵپشتییەکی بەهێزتر و جددیتر لە پرۆسەکە دەکات."
عەبدولقادر گولەچ لەبەردەوامی قسەکانیدا جەختی لەوە کردەوە کە پێویستە ئیتر لە پەرلەمان کۆمیسیۆنێک پێکبهێندرێت و وتی: "تەنها بە بانگەوازیەک هەموو شتێک چاک ناکرێت، بەڵام سیاسەتمەداران، ڕۆشنبیران، ڕۆژنامەنووسان و ئوپۆزسیۆن دەرفەتیان لە بەردەستە دەتوانن بە شێوەیەکی چالاکانە لە سیاسەتدا بەشداری بکەن. ئەمەش بۆ بە کۆمەڵایەتیکردنی پرۆسەکە و جێگیربوونی ئاشتی، هەروەها بەشداربوونی گەل و ڕووبەڕووبوونەوەی ئێش و ئازارەکانی ڕابردوودا هیوا گەشتر دەکات. پەیامێکی گرنگە، هەروەها بۆ کۆتاییهێنان بە سەردەمی تێکۆشانی چەکداری، بۆ دروستکردنی دەرفەتی یاسایی و سیاسەتی دیموکراتیک، دەرفەتێکی بەهێز دەڕەخسێنێت."
