گلێرۆبییەی شاندو ئیمراڵی و مەسرور بارزانی دمایش ئاما
گلێرۆبییەی شاندو ئیمراڵی و سەرۆکوەزیرانو حکومەتو هەرێمو کوردسانی فیدراڵی دمایش ئاما، دەم پارتی دەر بارەو گلێرۆبییەکاش ئەرەیاونێوەش وەڵاکەردۆ.
بە دیمەن
شاندی ئیمراڵی
شاندو ئیمراڵیی دەم پارتی دمایش بە گلێرۆبییەکا وێش ئارد جە پانیشتوو کوردەسانی و قەرارا ئارۆ گێڵاوە پەی سەرنیشتوو کوردەسانی.
جە درێژەو گلێرۆبییەکانە جە پانیشتوو کوردەسانینە، شاندو ئیمراڵی بە گلێرۆبییەیش چنی سەرۆکوەزیرانو حکومەتو هەرێمو کوردەسانی فیدراڵی، مەسرور بارزانی دمایش بە گلێرۆبییەکاش ئارد.
پەیوەس بە گلێرۆبییەکی دەم پارتی ئەرەیاونێوەش وەڵا کەردۆ.
ئەرەیاوناکەی ئاماژەش کەردەن پانەی شاندو ئیمراڵی دمایش بە گلێرۆبییەکاش و ئەرەنیشتەکا وێش ئاردەن جە پانیشتوو کوردەسانی و ئامان: "ئارۆ جە شارو هەولێرینە شاندو ئیمراڵی چنی مەسرور بارزانی سەرۆکوەزیرانو حکومەتو هەرێمو کوردەسانی. گلێرۆبییەکە بیناو سەرۆکایەتی ئەنجوومەنو وەزیرانی ئەنجام دریا و ٤٥ دەقێش پنەشی. شاندو ئیمراڵی دەربارەو گلێرۆبییەکاشا چنی ئێژا ئۆجالانی زانیاریشا هامبەش کەرد و پەی لوای و پێشنیارو مەسرور بارزانیشا سەرو پرۆسەکەی هورگێرت.
شاندەکە گلێرۆبییەکێ وێس تەمام کەردێ و ئارۆ گێڵۆوە پەی تورکیای."
