گلێرگەو دکتۆرا جیهانى یاونایێش وەڵاکەردۆ بەتنى سەرکۆنەو دەسبەسەرکەردەو پارێزەرو مافەکاو ئینسانى دکتۆر شەبنەم کۆرور فنجانچى کەرد، کە هەمان کاتەن سەرۆک و سەندیکاو دکتۆراو تورکیاینە.
وەرو ئانەى فنجانچى داواش کەردەبێ وردبیەیۆ سەرو بەکارئاردەو چەک و کیمیاوى جەلایەن و لەشکرو تورکیایۆ دژو گەریلاکا دەسبەسەرە کریا.
سەرۆک و دەستەو گلێرگەو دکتۆراو جیهانى دکتۆر فرانک ئۆلریچ مۆنتگۆمرى واتش: دەس بە سەر کەردەو دکتۆرە کۆرور فینجانچى و هەڕەشەکەردەى جە ئەنداماو سەندیکاو دکتۆرا تورکیاى بە هیچ جۆرێ قبوڵ مەکریۆ.
فرانک ئۆلریچ مۆنتگۆمرى واتش گلێرگەو دکتۆراو جیهانى پاڵ پشتى چا کەسا کەرا کە گەرەکشانە شاندێوە
سەربەخۆ وردبیەیۆ جە بارەو ئا هەواڵاوە کەرا کە پەیوەستێنێ بە بەکارئاردەو گازو کیمیاوى جە لایەن و دەوڵەت و تورکیایۆ جە دژو گەریلاکاو پەکەکەى،
ئا یورشە هەمیشەیی دژو ئەنداماو سەندیکاو دکتۆراو تورکیاى بە تەمامى ناهەق و ناڕەوان.
ژ.ت
