وێرەگاو ئارۆ یەکشەممەی، دژوو خیانەت و هامکارییەکاو بنەیانەو بارزانی پەی ئەرەگیریی خاکوو پانیشتوو کوردسانی لاو سوپای ئەرەگیرەو تورکیوە، گەنجاو کەرکووکی چالاکیێوەنە بە هورواستەی لافیتا بە درووشمەکاو "بنەیانەو بارزانیی دەسێشا بە ونەو ڕۆڵەکاو نیشتیمانی سوورێنێ" و " بە ونیما کوردسانی مپارێزنمێ و ئەرەگیریی دەوڵەتوو تورکی و خیانەتوو بنەیانەو بارزانی ڕەت مکەرمێوە" خیانەتوو بنەیانەو بارزانی-یشا شەرمەزار کەرد.

یاگێ باسینە، گەنجاو کەرکووکی، لافیتەکێشا ناوەندوو شاروو کەرکوکینە و یاگە گردینەکاو شارەکەینە بەتایبەتی لاو قەڵاو کەرکوکی و گەڕەکەکاو شۆرجەی، پەنجا عەلی، کوردستان، ڕوناکی، عەرەفە و گەڕەکەو رزگاریی شارەکەینە ورواستێ.