ئۆگور شاکار جە ٢٠ و شوباتوو ٢٠١٩ ینە پۍ شەرمەزارکەردەی پیلانگێڵنی میان نەتەوەیی و گۆشەگیری سەروو ڕابەروو گەلوو کوردی عەبدوڵا ئۆجالانی ۋەروودەم و دادگاو کیرفێڵدینە ۋێش سۊچنا، جە شۊنماو ئەنجامدای چالاکییەکەینە یاڎکریاوە.

جە یاڎەکەنە نامەو گەشمەرڎە ئۆگوری سەبارەڎ بە چالاکییەکەی ۋنییاوە. دماو یاڎەکەی هامسەرۆکوو دەسوەڵۍ وستەی گەشمەرڎە ئۆگور شاکاری، حوسەین پەرک و هامسەرۆکوو فەد-مەدی شەڤین سینجار قسێشا کەردۍ. داواو بەشداری کەردەیشا کەرد چا یاڎەنە کە جە قەبرسانوو نیوس نیوفریدۆفینە ئەنجام مڎریۆ کە قەبرەو ئۆگوریش ئینا چنە.