ئەندامەو تەژەکە_ئە نوپەل مونزورە جە چالاکییەکەنە واتش: "شۆنکەوتا گەشمەرڎا ئۆکتۆبەری کاریگەریێوە گۆرەش کەرڎ سەرو ئەرەکۆشای ئازادیی ژەنۍ و بەسوپابیەی ئێمە و ئاستی گەردوونیما".
گەشمەرڎا ئۆکتۆبەری جە ستۆکهۆڵمو پایتەختو سویدینە یاڎۍ کریێوە. چالاکییەکە بە سەرمەشقایەتی مەجلیسو ژەنا ئامارای ئەنجامدریا، جە کەسایەتی بێریتانۍ (گوڵناخ کاراتاش)ێنە بە دەیەقێوە ڕێزگێرتەی پەی گەشمەرڎا ئازادی لواڕاوە.
بەنامۍ کۆمیسیۆنو بنەیانەو گەشمەرڎاوە، وچیا: "گەشمەرڎۍ ئازادی کورڎەسانی شکۆ و فەخرو ئێمەنۍ، مشۆم لایەق بە ئەرەکۆشایشا بیمۍ ".
چالاکییەکە بە قسەکەردەی دەربارەو ئا ژەنە گەشمەرڎە سەرمەشقا جە مانگەو ئۆکتۆبەرینە گەشمەرڎۍ بیۍ، بەردەوام بی. هەرپاسە چن بەشێوە جە یاداشتەکا گەشمەرڎە بێریتانۍ ۋنریاوە.
ئەندامەو تەڤگەرو ژەنا کوردا ئەوروپا (تەژەکە_ئە)ی نوپەل مونزورە جە کەسایەتی گەشمەرڎە بێریتانێنە گرڎو گەشمەرڎاش یاڎۍ ئاوردۍ و سەرنجش وست سەرو پەیلواو ڕابەرو گەلوو کوردی عەبدوڵا ئۆجالانی دەربارەو گەشمەرڎا و واتش: " شۆنکەوتا گەشمەرڎا ئۆکتۆبەری کاریگەریێوە گۆرەش کەرڎ سەرو ئەرەکۆشای ئازادیی ژەنۍ و بەسوپابیەی ئێمە و ئاستی گەردوونیما ".
چالاکییەکە دماو نیشاندای کوڵە فیلمێوە و گۆرانیۍ، بە درووشمەکا "گەشمەرڎۍ نمەمرا" و "بژیۋۆ سەرۆک ئاپۆ" و "ژەنی، ژیۋای، ئازادی" دمایش ئاما.
