سەرۆکو وەقفی ئاشتی هاکان تاهماز هۊرسەنگنایش پەی بانگەوازەکەو ڕابەر ئاپۆی کەرڎ و ئەرەیاۋناش ڕابەر ئاپۆ بانگەوازش پەی چەک نیایرەی کەردەن، واتش: "پەنەوازا ئینە پېسە دەرفەتێوە بوینیۆ. دەرفەتێوە گۊرە و بە قیمەتا. پەی ئانەی کورد هەست بە یەکسانی بکەرۆ، پەنەوازا هەنگامەی سیاسی و یاسایی بنریۆ. ئیتر ۋەرپرسیاری ئینا ملو ئەنقەرەینە".

تاهماز سەرنجش وست سەرو دلېینەو پەیامەکەی و واتش: "ئۆجالان پارادایمێوە تازە پێشکەش مکەرۆ. پەنەوازا فشار و ستەم دژو کوردا جە دەسوەردای دمایش پنە مۍ. پەنەوازا بناغەو ئاشتی کۆمەڵایەتی بنریۆ. بانگەوازو چەک نیایرەی کریا، بەڵام پرسو هاموڵاتیا بەردەواما".