ئەرەیاونییاو ناوەندوو ئەرەیاونای و چاپەمەنیی هەپەگەی پێسنەن:  

"ئەرەیاونای کەساو دلۍ وەزارەتوو جبەری و وەزارەتوو جەنگوو ڕژێموو ئاکەپە-مەهەپەی قڕکەری، کە دماو چالاکیی تارێخیی ئەنقەرەیۊ دریۍ، هەوڵداینۍ پەی ورگێڵنایۊ ڕاسی. لاێوە بە واتەی 'دژوو شانە وتەکا ئۊپراسیۊن کەرمێ' جە ١٨ شاراو تورکیای و کوردستانینە ئۊپراسیۊنی وەرفراوان دژوو  ئەرەمەرزیا و سیاسەتمەداراو  و یاساییا گەلوو کوردی دەسشا بە جەمگیریی خەڵکی کرڎەن، لێوە تەرۊ بە دروۍ ' ئا فیداییۍ چالاکییەکەشا ئەنقەرەنە کەرڎەن جە سەرنیشتوو سوریایۊ پەروەرڎۍ کریێنۍ و ئامێنێ' وێڕاوەبەریی سەرنیشت و وەرکەوتوو سوریای کەرا ئامانج. بێگومان ئا ئەرەیاونای و قسێشا دریێنۍ دوورێنۍ جە ڕاسی و پەشتی بە حیچ بەڵگێوە مەبەسا و پەی ئانەی بەهانۍ پەی هجوومی ئامادە کەرا، پێسە دروا وزیێنۍ ڕووە.

مشۊم بزانییۊ حیچ ئەندامێوە تابووروو نەمرا بە پێچەوانەو بانگەشەو ئا هێزوو جەنگە تایبەتەیۊ سەرنیشت و وەرکەوتوو سوریایۊ نەلێنۍ ئەنقەرە. هەمان وەختەنە هامڕا قارەمانەکێما، کە چالاکییشا کەرڎەن بە حیچ نۊعێوە پەیوەندییشا چەنی حیچ کەسێوە، کە سیاسەتی یاسایی بەرۊ ڕاوە نییا.

ئاشکران، کە دەوڵەتوو تورکی هەوڵۍ مدۊ گورز و ئێشوو ئا چالاکییە تاریخییە، کە وەرش کەوتەن بە هجووم پەی سەروو چوارڎەوری و خەڵەتنای ڕای گردینی سەروو وێشۊ سووکش کەرۊ.  وەراوەرنە گورزە قورسەکۍ، کە چی جەنگە ناڕەوانە درێێنێش وەنە دژوو گەلوو کوردی، ڕاوەبەروو ئاکەپە-مەهەپەی فاشیستی بە فشار، ئەشکەنجە، گێرتەی و کۊکوشیی ئینسانە بێتاوانەکا گەرەکشا وێش نەجات بدۊ، جەڕاو ئا درواوە هەوڵۍ مدۊ، کە کە زەمینە پەی کۊکوشی ساز کەرۊ. ڕاوەبەروو دەوڵەتوو تورکی پێسە نەوەشیی دەروونی هەوڵۍ مدۊ پەکەکەی و یەپەگەی پێوە بەسۊوە و ئانەیچ دروێوە گەورێنە. ئا مامەڵە چەوتە جگە جە درواو دوژمناو کوردی و کوردستانی هیچی تەر نییا و ئا دوژمنە قەسەموەرە، گەرەکش نیا گەلوو کوردی حیچ شۊنێوەنە بۊ بە ساعیبوو دەسکەوتی.

دەوڵەتوو تورکی هەرپاسە بانگەشەو ئانەیشە کەرد، کە دماو چالاکییەکەو ئەنقەرەی، جە زمین و عاسمانۊ بۊردومانوو فرەو یاگەکاو ھەرێمەکاو پارێزنای مێدیایش کەرڎەن زەرەرێوە فرەش بە هێزەکاو گەریلایما یاونان. چا هجوومانە حیچ زەرەرێوە وەنەو هێزەکاو گەریلایما نەکەوتەن. ئا قسا و ئەرەیاونیایاو دەوڵەتی و سوپاو تورکی چا بارەوە مداشا، سەرجەمشا دروێنۍ و دوورێنی جە ڕاسییوە و بە مەبەستوو جەنگی دەروونینۍ.

داوا وەنەو گەلەکەیما و ڕای گردینی و گردوو لایەنە پەیوەندیدارەکا کەرمۍ، وەراوەروو ئا درواو ڕژێمی نەژادپەرسوو ئاکەپە-مەهەپەینە ھۊشیارۍ با، کە سیاسەتوو جینۊسایدی و جەنگی دژوو دەسکەوتەکاو گەلوو کوردی بەرۊ ڕاوە و گۊش پەی ئا دروا نەگێرا، کە پەشتی بە حیچ بەڵگێوە مەبەسا.  

زانیاریی ورد بارەو چالاکییەکا و هجوومەکاو سوپاو تورکی ئەرەگیریوە  پێسنەن:

هەرێموو گەشمەرڎە دەلیلوو وەرنیشتوو زاپینە؛

٤وو تشرینوو یوەمی سەعات ١٢:٠٠ و ١٧:٣٠، مەیدانوو مدرامانوو کەشوو جوودیینە، وەختۍ ئەرەگیری دەسشا بە جموجووڵی کەرد، بە چەکی قورس کریۍ ئامانج و جموجووڵوو ئەرەگیرا مردییا، چالاکییەکۍ هێزەکاو یەژا ستاریما کەرڎۍ.

٤وو تشرینوو یوەمی سەعات ١١:٢٥ و ٢١:٥٠، مەیدانوو مدرامانوو کەشوو ئامێدی-ینە، بە نیشانەماڕۍ ئەرەگیرۍ کریۍ ئامانج و ٢ێشا سزا دریۍ.

هجوومەکاو سوپاو تورکی ئەرەگیری؛

٤وو تشرینوو یوەمی یوەمی، ھەرێمی گەشمەرڎە دەلیلوو وەرنیشتوو زاپی ٢ جارۍ، مەیدانوو دەگاو کانیسارکی، دەگایەکاو بڵندبازی،گۊزۍ، کەشوو ڕەشیدی و دەشتەو کافییۍ سەر بە ھەرێموو گارەی ٨ جارۍ، مەیدانەکاو سەروو مەتینای، دەگاو بێشیلی و گۊلکاو سەر بە مەتینا ٣ جارۍ، بە گردیوە ١٣ جارۍ بە فڕۊکەی جەنگی بۊردومانۍ کریۍ.

ھەرێمەکاو زاپ، گەشمەرڎە دەلیلوو وەرنیشتوو زاپی و مەتینای تۊپوارانۍ کریۍ.

س.ز