ئەرەیاۋناکەو مېیانو چاپەمەنی و ئەرەیاۋنای هەپەگەی پی جۊرەنە:

"هەمڕاکېما کە جە دامېوە نامەردانەینە نزیک بە دەگاو گوهەرزی ئامێدی گەشمەرڎۍ بیۍ بە ڕێزو حورمەتۆ یاڎشا مارمېوە.

جە ئەرەیاۋناکەیمانە جە ٢٢ۍ شوباتو ٢٠٢٥ینە ئەرەیاۋناما کە یەرۍ هەمڕێما نزیک بە دەگاو گوهەرزی ئامێدی جە ئاکامو دامېوە خیانەتینە گەشمەرڎۍ بیۍ. هەمڕێما خەبات، عەگید و گۆران جە ٢١و شوباتینە جە کاتێنە کە ئەرکو ۋێشانە بێنۍ، جە ئاکامو هرووژمېوە ئاسمانی سوپاو تورکی ئەرەگیرینە زامڎارۍ بیۍ. هەمڕاکېما جە٢١و شوباتینە گەرەکشا بۍ یاگۍ ۋێشا فاڕا، جوابو هرووژمە نامەردانەکاشا جە نزیک دەگاو گوهەرزینە داوە و سەرەراو زامڎاربیەیچ جەنگ کەرێنۍ. هەمڕێما خەبات، عەگید و گۆران نمونۍ نەریتو مڎرامانینۍ، بێ دووە دڵی تفەنگەکێشا هۊرگېرتۍ و سەرەڕاو زامڎاربیەیشا جوابو دامە خیانەتکارییەکێشا داوە. هەمڕێوەما کە بە سەختی زامڎار بی، بۆمبێوەش تەقناوە ۋێشەرە و گەشمەرڎە بی. هەمڕێما خەبات، عەگید و گۆران تا دما نەفەس نوێنەرایەتی هێڵۊو مڎرامانی و ڕۆحو شۆڕشگێڵنی ئاپۆیی گەریلاکاو ئازادی کوردەسانیشا کەرد، چی ڕووەدایەنە گەشمەرڎۍ بیۍ.

قەولما واوەی مکەرمېوە کە بێ دووەدڵی تا سەرکۊتەی شۊنکۊتۍ گەشمەرڎەکاما بیمۍ کە فیداکارانە بیۍ بە شۊنکۊتۍ فەرماندە نەمرەکاما؛ عەگیدی و زیلانۍ و بە ئەوەکۊشایشا تەرسیشا وستە دڵو دژمنی. جەنگاوەرا فیدایی هەمڕا خەبات، عەگید و گۆرانی بە ڕێز و وەشەسیایی و منەتبارییوە یاڎۍ مکەرمېوە، سەرەوەشی ۋێما ئاراسەو بنەیانەی قارەمانو هەڤاڵاما و گرڎو گەلی وڵاتپارێزنو کوردەسانی مکەرمۍ."

زانیارییەکۍ جە بارەو ئشناسنامەو هەمڕا گەشمەرڎەکاماوە پی جۊرەنە:

ناسنامۍ / خەبات باوەڕ

نامۍ و دمانامۍ / یەڵماز ئەردەمجی

شۊنەماو جە ئەڎابیەی / سێرت

نامۍ ئەڎۍ و نامۍ تاتەی / پەریهان- یەحیا

شۊنەماو کاتو گەشمەرڎەبیەی / ٢١ / ٢ /٢٠٢٥ – ئامێدی گوهەرزۍ

*****

ناسنامۍ / عەگید بۆتان

نامۍ و دمانامۍ / ئارمین کوک

شۊنەماو جە ئەڎابیەی / کامیاران

نامۍ ئەڎۍ و نامۍ تاتەی / ڕوناک-سالیم

شۊنەماو کاتو گەشمەرڎەبیەی / ٢١ / ٢ /٢٠٢٥ – ئامێدی گوهەرزۍ

*****

ناسنامۍ / گۆران دێرسیم

نامۍ و دمانامۍ / حەمەد حەسەن نوەیدیس

شۊنەماو جە ئەڎابیەی / تەل کۆچەر

نامۍ ئەڎۍ و نامۍ تاتەی / شیها-حەسەن

شۊنەماو کاتو گەشمەرڎەبیەی / ٢١ / ٢ /٢٠٢٥ – ئامێدی گوهەرزۍ

*****