هەپەگە: هەمڕێما هەبون و بۆتان ئامەدەنە گەشمەرڎۍ بیۍ
مېیانو ئەرەیاۋنای و چاپەمەنی هەپەگەی ئەرەیاۋناش، کە مانگەو ئەیلولی ئامەدەنە جە هرووژمەکا دۆڵەتو تورکی و جە جەنگەنە گەریلا هەبون پیرۆ و بۆتان ئۆسیان گەشمەرڎۍ بیۍ.
ئەرەیاۋناکەو مېیانو ئەرەیاۋنای و چاپەمەنی هەپەگەی سەرو مژارەکەی پی جۆرەنە:
"هەمڕێما هەبون پیرۆ و بۆتان ئۆسیان ١٥و ئەیلولو ٢٠٢٤ جە ئەیالەتو ئامەدینە جە هرووژمۍ دژمنی و جە جەنگەنە دژو دژمنی بە گیانبازیۆ جەنگشا کەرڎو گەشمەرڎۍ بیۍ.
ئەرەکۊشای ئێمە سەرنیشتوو کورڎەسانینە سەرەڕاو بێدەرفەتی، دژواری و تەنگوچەڵەمەکایچ، سەرو هێڵۊو گیانبازی جە لایەنو گەریلاکاو ئازادیی کورڎەسانیوە سەرەمڕە بەردەواما. گەریلاکۍ سەرنیشتوو کورڎەسانینە کە سەرمەشقایەتی پەی ئەرەکۊشای ئازادییما مکەرا، جە گرڎ مێڎانێنە بانۍ بە مایۍ تەرسی و تۆقنای دۆڵەتو تورکی ئەرەگیری. هەمڕێما هەبون و بۆتانیچ کە چنی فەرماندەی هەمڕایما گەشمەرڎە ئاخین موشی شان بە شانش ئەرەکۊشۍ، جە ئەیالەتو ئامەدینە بیۍ بە هەمڕۍ قارەمانێما کە سەرمەشقیشا پەی ئا ئەرەکۊشایە کەرڎ.
هەمڕاما هەبون پایتەختو وڵاتەکەیمانە ئامەدەنە جە ئەڎۍ بی. بی بە خاوەن شناسنامە و شۆڕشگێڵنی. هەمان خاکەنە پېسە گەریلاو ئازادیی کورڎەسانی جەنگش کەرڎ، ۋێش یاۋنا بە پلەو فەرماندەیی هەرێمی و جە گرڎو قۆناغەکانە ئەرەکۊشا. جە ئامەدەنە پېسە فەرماندەو هەرێمی گرڎ ۋەرپرسیاریەتیەکێش بە بێ دووە دڵی یاۋنۍ مەنزڵ.
هەمڕاما بۆتانیچ نامۍ ماواو ۋێش بۆتانیش هۊرچنیە کە هێماو وڵاتپارێزنی بیێنە. بە کەسایەتی قەوەتو ۋێشۆ بەشدارو دلۍ ئەرەکۊشای ئازادی بی. فشار، ئاستەنگی و زیڼانەکۍ دژمنی ۋەردەمو ئیراڎەو ئاپۆیی هەمڕا بۆتانینە دەسەو دامێنۍ بێنۍ و نەتاواشا ئاڎیی مردنا. هەمڕاما بۆتان بە گیانی ئازادیوازی ۋێش ڕووەش کەرڎە کەش، ئەیالەتو ئامەدینە گوڕەش بە ئەرەکۊشای دا و بە گیانبازی ۋێش بی بە نمونە. دلۍ هەلومەرجی دژوار و جەنگ و پراکتیکی سەرنیشتینە بی بە خاوەن ئەزمون و جە ئەرەکۊشای ئازادیی گەلەکەیمانە کۊشش کەرڎ کە ۋەرپرسیاریەکاش بە شێوێوە گیانبازی بەیاگۍ بیاونۆ. هەردووە هەمڕێما بێ دووەدڵی و بە شێوەی گیانبازانە سەرمەشقیشا پەی ئەرەکۊشای ئازادیما کەرڎ. بە گەشمەرڎەبیەو ۋێچشا ئەمرەشا بە ئێمە کەردە کە ئەرەکۊشای بە قەرارداریۆ بەرمۍ ڕاوە. قەول مڎەیمۍ کە وەسیەتو هەمڕایا گەشمەرڎەیما بیاونمۍ مەنزڵ، حەقەشا بسانمۍ و مەرامەکاشا بە دڵنیاییوە بیاونمۍ بە سەرکۊتەی.
سەرو ئا بنەمایۍ سەرەوەشی جە بنەیانەی بەقیمەتو هەمڕا گەشمەرڎەکاما و گرڎو گەلی وڵاتپارێزنو کورڎەسانی مکەرمۍ.
زانیاری سەرو شناسنامەو هەمڕا گەشمەرڎەکاما پی جۆرەنە:
ناسنامۍ / هەبون پیرۆ
نامۍ و دمانامۍ / زراڤ تاش
شۊنەماو جە ئەڎابیەی / ئامەد
نامۍ ئەڎۍ و نامۍ تاتەی / ئەمینە- سەلام
شۊنەماو کاتو گەشمەرڎەبیەی / ١٥و ئەیلولو ٢٠٢٤/ ئامەد
*****
ناسنامۍ / بۆتان ئۆسیان
نامۍ و دمانامۍ / فەهمی باشکورت
شۊنەماو جە ئەڎابیەی / سێرت
نامۍ ئەڎۍ و نامۍ تاتەی / خەمێ- تاهیر
شۊنەماو کاتو گەشمەرڎەبیەی / ١٥و ئەیلولو ٢٠٢٤/ ئامەد
