مېیانو ئەرەیاۋنای و چاپەمەنی هەپەگەی پېوەس بە هرووژمە بەردەوامەکا سوپاو تورکی ئەرەگیری و جوابدایۆ هێزەکاو گەریلای جە دژو هرووژمەکا ئەرەیاۋنێوەش وەڵا کەرڎۆ.

ئەرەیاۋناکەو هەپەگەی پی جۊرەنە:

"هرووژمەکۍ سوپاو تورکی ئەرەگیری بە تەقەمەنی قەڎەغەکریای؛

٢٩و نیسانی و ١و ئایاری مەڕەکېما جە مېڎانوو مڎرامانوو کەشو ئامێدینە جە هەرێمو گەشمەرڎە دەلیلی جە ۋەرنیشتوو زاپی ٣ جارۍ بە تەقەمەنی قەڎەغەکریا بۊمبوارانۍ کریۍ کران.

٢، ٣ و ٤و ئایاری سوپاو تورکی ئەرەگیری ٣ جارۍ بە درۆنی بەبۊمچنیا هرووژمش کەرڎ سەرو مەڕە جەنگیەکاما شەڕمان جە مېڎانوو مڎرامانوو کەشو ئامێدینە جە هەرێمو گەشمەرڎە دەلیلی جە ۋەرنیشتوو زاپی.

هرووژمەکۍ سوپاو تورکی ئەرەگیری بە فڕۆکەی جەنگی؛

٢٨، ٢٩ و ٣٠ی نیسانی جە هەرێمو گەشمەرڎە دەلیلی جە ۋەرنیشتوو زاپی، مېڎانوو مڎرامانوو کەشو وەهاری ٥ جارۍ بە فڕۆکەی جەنگی بۊمبواران کریا.

٢ۍ ئایاری جە هەرێمو گەشمەرڎە دەلیلی جە ۋەرنیشتوو زاپی، مېڎانوو مڎرامانوو کەشو وەهاری جارێوە بە فڕۆکەی جەنگی بۊمبواران کریا.

هرووژمەکۍ سوپاو تورکی ئەرەگیری بە چەکی قورس، تۆپۍ و هاوەنۍ

١، ٢، ٣ و ٤و ئایاری جە هەرێمو خواکوڕکینە، مېڎانەکۍ مڎرامانوو لۆلانی، گەشمەرڎە شەریف، سنین و خنێرایی سەرین ١٣ جارۍ، جە هەرێمو گارەینە مېڎانەکۍ مڎرامانو تەپو کونی، کەشو ڕەشیدی، تەپو زەنگلی، تەپو سیسەری، گرگاشێ، سپیندارێ، مژێ، دێڕەشی ٣٠٢ جارۍ، جە هەرێمو مەتیناینە مېڎانەکۍ مڎرامانو دەرگەلێ، شێلازێ، بێشیلی، سەری مەتینای ١٢٧٨ جارۍ، جە هەرێمو گەشمەرڎە دەلیلی جە ۋەرنیشتوو زاپی مېڎانەکۍ مڎرامانوو کەشو ئامێدی و کەشو وەهاری ٣٩٤ جارۍ؛ بە گرڎیی ١٩٨٧ جارۍ بە چەکی قورس، تۆپۍ و هاوەنۍ بۊمبواران کریۍ.

جە مابەینو ١ پەی ٣ۍ ئایارینە سوپاو تورکی ئەرەگیری بە حەفارە هرووژمش کەرڎ سەرو مەڕەکاما جە مېڎانوو مڎرامانوو کەشو ئامێدینە جە هەرێمو گەشمەرڎە دەلیلی جە ۋەرنیشتوو زاپی.

دەسوەردای هێزەکاما جە دژو هرووژمەکا؛

١و ئایاری سەعات ١٧:٣٥دەیەقۍ جە مېڎانوو مڎرامانوو کەشو وەهاری جە هەرێمو گەشمەرڎە دەلیلی جە ۋەرنیشتوو زاپی، یەکینەو گەشمەرڎە ئاخین موشی بە درۆنێوە کامیکاز گورزەش جە کۆنتێنەرێوە ئەرەگیرا شانا کە سیستەمێوە ڕادارش چنە بۍ وە پێگەو هرووژم بەردەینە بۍ، جە ئاکامەنە کۆنتێنەرەکە بەتەمامی دلېنەبریا.

١و ئایاری سەعات ٢١:٥٥دەیەقۍ جە هەرێمو گەشمەرڎە دەلیلی جە ۋەرنیشتوو زاپی حەفارێوە زرێپۆش کە بە مەرامو هرووژم بەردەی ئاما بۍ  سەرو مەڕەکاما جە مېڎانوو مڎرامانوو سەرگەلێنە، بە درۆنی کامیکاز جە لایەنو یەکینەو گەشمەرڎە ئاخین موشیوە دلېنەبریا.

٢ۍ ئایاری سەعات ٢٠:٣٠دەیەقۍ جە هەرێمو گەشمەرڎە دەلیلی جە ۋەرنیشتوو زاپی، بە درۆنی کامیکاز جە لایەنو یەکینەو گەشمەرڎە ئاخین موشیماوە گورزە جە ئەرەگیرا شنیا کە بە چەکی قورس هرووژم کەرێنۍ سەرو مەڕەکاما جە مېڎانوو مڎرامانوو کەشو ئامێدی، جە ئاکامەنە ئەرەگیرێوە سزا دریا.

٣ۍ ئایاری سەعات ١٤:٥٥دەیەقۍ جە هەرێمو گەشمەرڎە دەلیلی جە ۋەرنیشتوو زاپی، جە لایەنو یەکینەو گەشمەرڎە ئاخین موشیماوە بە درۆن چەکێوە دۆشکۍ دلېنەبریا کە جە دژو مەڕەکاما جە مېڎانوو مڎرامانوو کەشو ئامێدینە بەکار بریۍ."