دلێنەو یاۋنەری و چاپەمەنی هێزەکۍ پارێزناو گەلی (ھەپەگە)، دەربارەو مدرامانی و جەنگی جە هەرێمەکۍ 'زاپ، مەتینا و ئاڤاشین)، ئی ئەرەیاۋناشەدا:
جە ئەنجامو چالاکی کاریگەرو تیمە گەڕۊکەکامانە، ٤ سەربازۍ ئەرەگیرۍ سوپاو تورکی سزۍ دریێنۍ و خێمێوەو سەربازە ئەرەگێرەکان دلێنەبریێنە.

سوپاو تورکی ئەرەگێری مەیڎانەکۍ مدرامانیش ٤ جارۍ بە بۆمبۍ قەدەغەکریایۍ و ٨جارێچ بە چەکی کیمیایی بۆردمانۍ کەردەنۍ. هموەخت جە وەردەمو سەنگەرەکانو جەنگو (شەهید فەلات)ینە
ماددەی پلاستیکی و تایۍ ئۆتۆمبێلیش سۆچنێ و بە ئامێروی تایبەتو ھەۋای دوکەڵە ئا مادداشە کە ژەھراوییەن کەردەنە دلۍ سەنگەرۍ وتونێلەکانو جەنگې.. جە ھەمان کاتەنە مەیڎانەکۍ جەنگیش ٤٢ جارۍ بە ھێلیکۆپتەر و بە دەیان جارێتەریچ بە کاتیوشا و چەکی بۆردومانۍ کەردێنۍ.

جە چوارچێۋەو ھەڵمەتو شۆڕشگێلی ھەڵۆکانو زاگرۆسی جە ھەرێم و زاپ-ې: جە ٢٠و تشرینو یەکەمینە، جە مێڎانو مدرامانو (ساجا)ینە، تیمە گەڕۆکێمان بە تاکتیکو جەنگی سەردەمیانەی و نیشانەگێرتەی، ئەرگێرەکێشان کەردێنۍ ئامانج و جە ئاکامشنە سەرڕاو اونای زیانی ماددی بە دوژمنی و سەربازێوی ئەرەگیرێچ سزا دریان.

جە ٣١و تشرینو یەکەمیەنە، سەعات ١٥:٥٠ دەیەقێ، جە مەیڎانو چەمچۆ-ی، تیمەگەڕۊکەکێمان چەکی قورس گوللـەوارانو دوژمنیشان کەردەن و جە ئاکامشەنە ٣ ئەرەگیرۍ سزۑدریۍ.

جە چوارچێۋەو ھەڵمەتو شۆڕشگێڵی جەنگو خابوری شەهید ساڤاش مەرەشینە:

جە ٣١و تشرینو یەکەمیەنە، سەعات ٠٨:٠٠و سەرسەبای، جە مەیڎانو مدرامانو کەش جودی، ئەرەگیرەکێ جە لایەنو تیمە گەڕۆکەکاماۋە بە چەکې قورس وەنەشان دریان و جە ئەنجامەنە خێمێۋە سەربازییە دلێنەبریێنە.

یورشەکۍ سوپاو تورکی ئەرەگێرې بە بۆمبېۍ قەدەغەکریۍ و چەکی کیمیایی:

جە ٣١و تشرینویەکەمیەنە، سەنگەرەکۍ جەنگو شەهید سەرخۆبوون-ی سەر بە میێڎانو مدرامانو چەمچۆ-ی، 3 جارۍ سەنگەرەکۍ جەنگو شەهیدخورسی و مێڎانو ساجایشی جارێۋەتەر بە بۆمبۍ قەدەغەکریۍ بۆمبارانۍ کرێنێوە.

جە ٣١و تشرینویەکەمیەنە جە سەعات ٠٨:٠٠و سەرسەبای و ١٦:٠٠وسەروێرەگای سەنگەرەکۍ جەنگو شەهید باھۆزی سەر بە مێداو مدرامانو چەمچۆ-ی، ٨  جارۍ تەرۍ بە چەکی کیمیایی بۆردومانۍ کریێنێوە.

جە هەمان ڕۊدیارەنە سەعات٠٠:١٣ دەیەقێ نیمە شەۋۍ و ١٣:٣٠ دەیەقۍ نیمەڕۊی، سوپاو ئەرەگێرو تورکی ماددەی پلاستیک و تایۍ ئۆتۆمبێلیش سۆچنێ و بە ئامێرێوە تایبەتو ھەۋای دوکەڵە ژەھراویەکەش کەردەنە دلۍ سەنگەرەکاو جەنگی.

یورشەکۍ سوپاو تورکی ئەرەگێری:

جە ٣١و تشرینو یەکەمیەنە، مێڎانەکۍ مدرامانو ساجای و کوڕەژارۆ-ی جە کەشۍ جودی و ئامێدی ٤٢ جارۍ بە ھێلیکۆپتەرۍ جەنگیۍ یورشان کریان سەر.

هاموەخت، مێڎانو مدرامانو چەمچۆ-ی سەر بە کەشو جودی، دەیان جارۍ بە کاتیۊشا و تانک و چەکی قورس، ڕووبەڕووۍ یوشی کریێنێوە.
 
هامزەمان، سوپا، تورکی ئەرەگێری، چنڎین جارۍ ھەوڵشدا بە حەفارە سەنگەرەکانوو جەنگی دلێنە ببەرۆنە.
.

هـ.هـ