هەپەگە شناسنامەو دوۋۍ گەریلایاش ئاشکراکەرڎ کە جە بەستا گەشمەرڎۍ بیېنۍ و چا بارۊ ئەرەیاۋناش، "سەرەوەشی جە خانەواڎەو هەڤاڵاما "شەڕگەر و رێنجبەر"ی و حەرپاسە سەرەوەشی جە گەڵی ۋڵاڎپارێزو کورڎسانی مکەرمۍ".
ناۋەنڎو یاۋنەری و چاپەمەنی هەپەگەی سەبارەڎ پا دوۋە گەریلایا کە گەشمەرڎۍ بیېنۍ، ئی یاۋنەریەشە ۋەڵاکەرڎۊ:
"جە ١٤و ئایارو ٢٠٢٣ېنە دوژمن پاڵپەشت بە زانیاری جاسوسەکاش جە مەنتیقەکەنە جە دژوو هەرێمەکا چەمکۍ تەحڵۊی و دارسانو سەرێی مەنتیقەو بەستای شڕنەخی ئۊپەراسیۊنێوە وەرفراوانش دەسپنەکەرڎەبۍ. سوپاو تورکی زانیاری ئانەیش پنەیاوابۍ کە گروپێوە جە هەڤاڵاما ئینۍ چا مەنتیقەنە، بە ٨ فرۊکۍ جەنگیۍ، دوۋۍ هەلیکۊپتەرۍ هجومکەرۍ و ژمارېوە فرە جە جاشەکاش چنڎین جارۍ هجومش ئەنجامدا. چوۋاردەورو ئا مېڎانەی کە هێزەکېما چنەش بېنۍ گیریا و ماوەو دوۋۍ ڕوۋا بە هەلیکۊپتەری هجومکەر بۊمبۋاران کریۍ. جە ١٦و ئایارینە هامڕېما "باوەر مەد و رێنجبەر" بە شێۋېوە بەقوەت جە هێزەکا دوژمنیشا دا. دوژمن چا گورزېوە عالەش وەرکەوتە و دماتەر بە فرۆکەی جەنگی و هەلیکۊپتەر و بە گازێوە زەرد کە بوەو ساوۍ دۍ مېڎانەکەش بۊمبۋاران کەرڎ. هامڕېما باوەڕ و رێنجبەر بە شېۋېوی ئەفسانەیی و پەی پارېزناو ۋېشا جەنگشا کەرڎ و دماتەر گەشمەرڎۍ بیۍ. سوپاو تورکی زەرەرە گیانییەکۍ ۋېش چا شارتېنێوە و تەنیا دڎانش پانەیرە نیان کە ٤ سەروازۍ و جاشېوە کوشیېنۍ، بەڵام ئانڎەی پۍ هێزەکاما ڕۊشن بیەنۊ ١٧ ئەرەگیرۍ سزا دریېنۍ.
هجومەکۍ سوپاو تورکی جە ١٧و ئایارینە وەرفراوانتەرۍ بیۍ و بەرەو هەرێمو دارسانی سەرێوەی کیشیۍ. چایچ جە بەینو هێزەکامانە و سوپاو تورکیاینە جەنگ ڕووەشدا و چا جەنگانە فەرمانڎە سەرمەشقەکېما "دڵشێر و شەڕگەر" جوابی پێۋیسشا بە دوژمنی داوە و گەشمەرڎۍ بیۍ.
ئی هەڤاڵە وەشەویسېما راستەقینەتەرین و سادەتەرین نمونۍ جەنگاوەری ئاپۆیینۍ، بە ئازایەتی و چنەویەرڎەیشا جە ژیاینە ڕاشا بڕیە و ئەرکو سەرمەشقیشا بە شێۋېوە سەرکۊتانە بەیاگۍ یاۋنا. سەرەوەشی جە خانەواڎەو هەڤاڵاما "شەڕگەڕی و رێنجبەر"ی و گەلی ۋڵاڎپارێزو کورڎسانی مکەرمۍ.
شناسنامەو هەڤاڵاما دڵشێر چیاڕەش و باوەر مەدی جە یاۋنەریەکەو ٢٣ۍ ئایارو ٢٠٢٣ ېنە ئاشکرا کریابۍ.
زانیاری سەرو شناسنامەو هەڤاڵاما شەڕگەڕی و رێنجبەری پی جۊرەنە:
ناسنامۍ: شەڕگەر جاف
نامۍ و دمانامۍ: سەروەت حەسەن
یاگۍ جە ئەڎابیەی: کەلار
نامۍ ئەڎۍ و نامۍ تاتەی: رەعنا- حەسەن پەرەج
وەخت و یاگۍ گەشمەرڎەبیەی: ١٧و ئایارو ٢٠٢٣/ بەستا
ناسنامۍ: رێنجبەر گیڤارا
نامۍ و دمانامۍ: حەسەن ئاگریمان
یاگۍ جە ئەڎابیەی: شڕنەخ
نامۍ ئەڎۍ و نامۍ تاتەی: حەزنیە - مەحمود
وەخت و یاگۍ گەشمەرڎەبیەی: ١٦و ئایارو ٢٠٢٣/ بەستا
هـ . ش
