هەپەگە شناسنامەو گەریلێوە گەشمەرڏەیش ئاشکرا کەرد و ئەرەیاوناش، "ئێمە جارێوە تەر واوەیش مکەرمێ کە بیمی بە شۆنکۆتۍ ئاواتەکا هەمڕایما عەزیزی و جە کەسایەتی ئاڎینە ۋەرڎەمو یاڎو گرڎو گەشمەرڏامانە بە رێزۆ سەرەو وێما منامنمێرە".
ئەرەیاوناو ناوەند و چاپەمەنی هەپەگەی پی جۆرەنە:
"رۆڵەی ئازاو گەلوو عەرەبی، جەنگاوەری ئازا هەمڕا عەزیز موسڵی ٢٨و حوزەیرانو ٢٠٢٤ هەرێمو مەتیناینە جە هجومێ دژمنینە گەشمەرڏەبی.
جە دژو تاریکی داعشی گەلو عەرەبی بە تیشکەو وەرو ئێمەو ڕابەر ئاپۆی ڕۆشنۍ بیێوە. جەنگاوەری بەقیمەتو گەلو عەرەبیما هەمڕا عەزیز گەلو کوردی بە واڵەو-براو وێش زانێ و یاوانە کە ئازادی گەلو کوردی دیموکراتیکبیە و ئازادبییەی گردو وەرکەوتوو مېیامینین. هەمڕاما بە زانابییەی کاتێ دەرفەتش بیی، بە بێ ئانەی ساتێ دووەدڵ بۆنە، بەشداریش جە ریزەکا ئەرەکۆشاینە کەرد. هەمڕاما عەزیز بە گردو خانەکا جەسەیش هەستش بە سروشتی بێهامتاو کەشەکا کوردەسانی کەرد و گردو ڕووەکاش ئامێتەو کەشەکا کوردەسانی کەردو، بیی بە جەنگاوەرێ نمونەیی. پرۆژەو نەتەوەی دیموکراتیکو ڕابەر ئاپۆی بە گردو وردەکارییەکاوە جە ناخشەنە یاگەگیر کەرد و بە جابەجێکەردەیش سەرەمڕە ئەرەکۆشا. هەمڕاما بە کەسایەتی سادە، راس و سروشتی وێشۆ بیی بە جەنگاوەرێ ئاپۆیی پەی گردو جوانا عەرەبی بیی بە نمونە.
پێسەو هەمڕەیاش بەتایبەتی سەرەوەشی جە بنەیانەی بەقیمەتو هەمڕایما عەزیز موسڵی، گەلو وڵاتپارێزنو عەرەبی و کوردەسانی مکەرمۍ. ئا دووە گەلەما تەرەفڎارۍ واڵەو-برایەتی گەلانۍ. تا ئارڎەی دی و چەسپنای پڕۆژەو وەرکەوتو مېیامینی کۆنفیدڕاڵی دیموکراتیک کە وەرمو هەمڕایما عەزیزین، قەولمڎەیمۍ کە ئەرەکۆشایما بە قەرارداریوە درێژە پنەمڎەیمۍ
زانیاری سەرو شناسنامەو هەمڕایما عەزیز موسڵی پی جۆرەنە:
ناسنامۍ: عەزیز موسڵ
نامی و دما نامۍ: راکان جاسم خدر
شۆنەماو جەئەڎابیەی: موسڵ
نامی ئەڎۍ و نامۍ تاتەی: نەجاح- جاسم
شۆنەماو کات و گەشمەرڏەبیەیش: ٢٨و حوزەیرانو ٢٠٢٤/ مەتینا
