هەپەگە ئەرەیاۋناش: "دیاری کریان، ئانۍ جە ٢١و شوباتینە جە دەگاو گوهەرزێنە دامەشا پەی هەڤاڵاما نیارە، تیمێوە تایبەتو جاشەکا سەر بە هێزەکاو دۊڵەتو تورکی بیەن. چا ڕووەدایەنە خەڵکو گوهەرزێ حیچ دەورێشا نەبیەن."
مېیانو ئەرەیاۋنای و چاپەمەنی هەپەگەی دەربارەو چالاکییەکا گەریلای و هرووژمەکا دۊڵەتو تورکی ئەرەگیری ئەرەیاۋنێوەش وەڵاکەرڎۆ.
ئەرەیاۋناکەی بادینان پی جۊرەنە:
هەرێمو گەشمەرڎە دەلیلی جە ۋەرنیشتوو زاپی؛
٢٢ ۍ شوباتی سەعات ١٤:٤٥ دەیەقۍ جە مېڎانوو مڎرامانوو کەشو جودینە بە چەکی نیم ئۆتۆماتیک گورزە جە ئەرەگیرا شنیا.
هەرێمو مەتینای؛
٢٢ ۍ شوباتی سەعات ١٤:٠٠ جە مېڎانوو مڎرامانوو سەری مەتینای بە چەکی قورس گورزە جە ئەرەگیرا شنیا.
هرووژمەکۍ سوپاو تورکی ئەرەگیری بە تەقەمەنی قەڎەغەکریا؛
٢٤ ۍ شوباتی هەرێمو گەشمەرڎە دەلیلی جە ۋەرنیشتوو زاپی مەڕەکېما جە مېڎانوو مڎرامانوو کەشو ئامێدینە ٢ جارۍ بە درۆنی هرووژمبەر بۊمبواران کریۍ.
هرووژمەکۍ سوپاو تورکی ئەرەگیری؛
جە ما بەینو ٢٢-٢٤و شوباتینە جە هەرێمو خواکوڕکینە مېڎانەکۍ مڎرامانوو گەشمەرڎە شەریفی، بەری زینێ ٥ جارۍ، جە هەرێمو گارەینە مېڎانەکۍ حەفت تەباخ، کەشو کون، دێڕەشە، زێڤکێ، یەکماڵێ،کەشو زەنگەلی ٨ جارۍ، جە هەرێمو مەتیناینە مېڎانەکێ مڎرامانو سەری مەتینای و بێشیلی ٢ جارۍ؛ بە گرڎی ١٥ جارۍ بە فڕۆکەی جەنگی بۊمبواران کریۍ.
وەڵتەرو جە ٢١و شوباتینە دەربارەو دامەو خیانەتکارا نزیک بە دەگاو گوهەرزێنە ئەرەیاۋنا بێما. دەربارەو ۋەرپرسیاری ڕووەدایەکەی ئەوەکۊڵیایما کەرڎ. دیاری کریان ئانۍ ئی دامە نامەردانێشا پەی هەڤاڵاما نیانەرە تیمێوە تایبەت بە جاشەکا سەر بە هێزەکاو دۊڵەتو تورکی بیەن. ئاشکران ئانۍ کە دامە منیارە هێزو تورکیچ بۆ جە جبەرو ۋێشاوە بڕۍ پەشتگیریشا هۊرگېرتەن. بەڵام جە دیجیتاڵ میدیانە بڕۍ چێوۍ وەڵۍ کریێوە کە خەڵکو دەگاو گوهەرزێش پنە تاوانبار کریۍ. بە پاو شۊنیرەلوایەکاما چی ڕووەدایەنە خەڵکو دەگاو گوهەرزێ دەورشا نەبیەن. پەیوەندییدار پا مژارەیۆ ئینە ئەرەیاۋنای دماینمانە و بە ڕای گرڎیی و وڵاتپارێزنا ئەرەیاۋنمۍ."
