دلینەو یاۋنەری و چاپەمەنی هێزەکانو پارێزنای گەلی (هەپەگە)، سەبارەت بە مدرامان و جەنگی چەنی سوپا ئەرەگێرەکەو تورکیای ۋەڵاوکریایێوش دان. دلینەکە جە ۋەڵاوکریاکەشەنە ئامارو ٧ مانگۍ ۋیەردەو ئا مدرامان و جەنگییە و گورزدای گەریلاکانو هەپەگە-ی و یەکینەکۍ ژەنی ئازادۍ- یەژائاستار)یش جە دوژمنی ئاشکرا کەردەن.
دلینەو هەپەگە-ی دەستنیشانش کەردەن: جە ئا ماۋەنە گەریلایەکێشان ٢ هەزارۍ و ٥٥٣ چالاکیێشان دژ بە سپا ئەرەگێرەکەو تورکی ئەنجامۍ دێنۍ و جە ئاکامشانە ٢ هەزارۍ و ٥٤٤ سەربازۍ سوپاو تورکیای کوشیێنۍ. کە ١٨شان پلەدارۍ و ١٢شان کۆنترا گەریلایۍ بینۍ. هاموەخت گەریلا گورزێشان جە ژمارێۋی فرۍ جە هەلیکۆپەرۍ (چەرخباڵۍ) دوژمنی دێنۍ و ١١ هەلیکۆپتەرۍ ۋزیێنێرە. 

دلینەکە ئیشارەتش بە ئانەی دان: دوژمنی ئەرەگێر کە دەرەقەت و چنەبەرو گەریلایەکان نمەیۆن، پەناش بەردەن پەی بەکارئاوردەی چەکی قەدەغەی چوون ”کیمیایی، بۆمبۍ تاکتیکیۍ و بۆمبۍ تەرموباریکی“ بەجۆرێوە جە ٧ مانگۍ ۋیەردێنە ٢ هەزارۍ و ٨٣٧ جارۍ چەکی کیمیای و قەدەغەکریاش دژ بە هەرێمۍ و سەنگەرەکانو گەریلای و ژیاگەو کوردستانی بەکاربەردەن.

دلینەو یاۋنەری و چاپەمەنی هێزەکانو پارێزنای گەلی (هەپەگە)، سەبارەت بە گیانبازی و گیانبەختکەردەی گەریلایەکانو هەپەگە-ی و یەژاستار-ی ئی زانیارییەشەدان:

گەریلاکۍ ئازادی کوردستانی، جە ۋەرانۋەر بە یۊرشە قڕکەر و دلێنەبەرەکانو سوپاو تورکیایەنە، گیانبازانە و گیانبەخشانە و بە ئیرادەی پۆڵاینەوە و بە تاکتیک و جەنگی سەردەمیانە، مدرامانی قارەمانانە و کەمۋێنەش ئەنجامدان و بە گیان و جەستەشان خاک و نیشتمانە پیرۆزەکەو کوردستانی پارێزنان. جە ئی چواچێۋەنە ١٧٤ هاۋەڵێمان دمای جەنگی قارەمانانەی، شکۆمەندانە شەهیدۍ بیێنۍ. بە ۋەرهەنگامی و پێشاهەنگی 
جە کەسایەتۍ هاۋەڵەکانمان چوون ”باگەر، هێرش، بڵند، رێڤان، جوانا، سیپان، باز، نوری، مزگین، رۆهات، شارستان، ماهیر، ئاڤزەم، دۆغان، نالین، گوڤەن، زەمانی، رۆناهی، هەڵبەست، فەدایی، سیابەند، بەرفین، مێردین“ و ئا ١٧ گەریلایۍ کە جە ئی دماییەنە بە چەکی کیمیایی شەهیدۍ بیۍ، بە ڕێزداری و پنەزانایەوە یادشان مکەرمێنەوە و سۆز مڎێمێنە درێژدەرۍ ڕێۋازەکەیشان ببێمۍ و مدرامان و کۆشای ئازادی فراوانتەر بکەرمێنەوە و یادشان بەسەرکەوتەی تاجدار بکەرمۍ.