هەپەگە ئەرەیاوناش، سوپاو ئەرەگیرو تورکی جە مانگەو نیسانینە ٩هەزار و ٧٩٠ جارێ جە ئاسمان و زەمینەنە هرووژمشا ئەنجامدان. ئەرەیاونانش کە جە هرووهپژم و ئەرەگیرانە ٤ گەریلا گەشمەرڏێ بیێنه.
مییانو ئەرەیاونا و چاپەمەنی هەپەگەی ئامارەو جەنگو مانگەو نیسانیش ئاشکرا کەرد. دەقو بەیاننامەکەی پاسەن:
"گەریلاکا ئازادی کوردەسانی، هیواو دما ڕۆو ئازادی گەلەکەیما، سەرو بانگەوازییەکەو ڕابەر ئاپۆی، جە ١و ئادارو ٢٠٢٥ـی ئایێربەستەیش ئەرەیاونا و بە هەستیاریێ فرۆ بە مەبەسو جوابدایۆ بانگەوازە تاریخییەکەی، بە شێوێ کرداری جە پرۆسەکەی نزیکبییۆ. جە ماوەو ٢مانگانە دماو ئەرەیاونا و فەرماندەیی مییانو پارێزناو گەلەکەیما، گرڏ و هێزەکاما جە چوارچێوەو ئایێربەستەکەی نزیکێ دۆخەکەی بیێوە.
سوپاو ئەرەگیرو تورکی، جە مانگەکا ئاداری و نیسانینە، ئایێربەستەو گەریلاکا ئازادی کوردەسانی پێسەو هەڕەشێوە پەی سەرو وێش وینۆنە و بە شێوێوە بێ ئەخلاقی، پاگیری سەرو چەمکو قڕکەردەی کەردەنۆ. سوپاو ئەرەگیرو تورکی سەرەڕاو گلێرۆبییەو تەمامو هێزەکاش، نەتاواش مڏرامانی تاریخی گەریلای ماڕۆنە و جە هەرێمو وەرنیشتوو زاپی و مییانو زاپی جەلایەنو گەریلاکاوە شکستش ئارد. دماو ئی شکستەیە، سوپاو ئەرەگیرو تورکی هرووژمەکێش پەی سەر و سەنگەر و مەڕەکا مێڏانەکا مڏرامانه زیاتەر کەردێنێ. هەرپادر گەریلاکا ئازادی کوردەسانی جە چوارچێوەو پارێزناو ڕەواینە جوابشا داوە و ناستشا ئەرەگیرێ پێشڕەوی بکەرا. ئەرەگیرەکێ نەتاواشا سەرو ئی مڏرامانە شکۆمەندانەیە سەرێ گنانە، جارێور تەر چەکی کیمیایی و تەقەمەنی قەدەغەکریا و بۆمبی فسفۆر کە بەدوور جە یاساکا جەنگی، جە دژو هێزەکاما بەکارشا ئارد.
بیێ یاگێ شانازی پەی گەلەکەیما
ئەرەگیرێ کە جە گرڏ بەشێوە خاکو موبارەک و کوردەسانینە جەنگاوەرا ئاپۆیی ڕووبەڕووشا باوە، سەرەڕاو هرووژمکەردەی سەر و هەرێمەکا مڏرامان و گەریلای بە تەکنۆلۆژیایێ کە تاوانە شارەکا وێرانێ بکەرۆ، نەیاوێ مەرامەکاش. هەڤاڵێما بەسێ و میترا کە جە ئەنجامو کیمیاواران و سوپاو ئەرەگیرو تورکیای لوێ کارەوانو نەمراماوە و هەڤاڵێما خەبات، گۆران و عەگید کە سەرەڕاو زامڏار بییەیشا هەتا دمای ئاردەی بە جەنگی و جوابی قورس و ئەرەگیراشا داوە، پێسەو نوێنەرو ئیرادەو ئاپۆیی، ئاڵاو سەرکەوتەو پەکەکەی و پاژک-شا بەرز ڕاگێرت و بیێ یاگێ شانازی پەی گەلەکەیما.
گەریلاکێ ئازادی کوردەسانی کە جەنگو گەریلاو مۆدێرنیتو دیموکراتیکشا جە سەرنیشتوو کوردەسانی بە سەرکۆتەی یاونا ئەنجام، پێسەو هەرێمەکا پارێزناو مێدیای، بە گرڏ و تەکنۆلۆژیاو جەنگی و هەزاران ئەرەگیرێ و بە دەیان هرووژمێ ئەرەگیرەکێشا پووچەڵێ کەردێوە.
گەریلاکێ ئازادی کوردەسانی کە ئیرادەو وێسا سەرو بنەماو ئانەی "گۆرەتەرین تەکنەلۆژیا ئینسان وێشا" کە جەلایەنو ڕابەر ئاپۆیۆ پێشکەش کریان، پەی وێشا وەرچەم گێرتەن، بە ئیمکانات و دەرفەتی سنووردار و هەلومەرجی سەخت ئەرەگیرێشا جە ئاسمانو کوردەسانینە کەردێ ئامانج و گورزێوە گۆرێشا جە تەکنۆلۆژیاو جەنگو ئەرەگیرا شانا، کە هەمیشە شانازیشا پۆوە کەرێنێ. پێسەو چنین ڕا نەرێنێ ئەرەگیرێ جە زەمینەنە پێشڕەوی بکەرا، بەهەمان شێوە ڕاشا نەرا جە ئاسمانیشۆ پێشڕەوی بکەرا.
هرووژمەکێ ئەرەگیرا بە چەکی کیمیایی، بۆمبی فسفۆر و تەقەمەنی قەدەغەکریا
جە مانگەو نیسانینە سوپاو ئەرەگیرو تورکیای جارێوە تەر ٧جارێ بە بەکار ئاردە و چەکی کیمیایی، بۆمبی فسفۆر و تەقەمەنی قەدەغەکریا دژو هێزەکاما تاوانەو جەنگیشا ئەنجامدا، ١٢جارێ بە هەلیکۆپتەر جەنگی هرووژمیش ئەنجامدا، ٢ جارێ بە درۆنی بۆمب ڕێژکریا و ٩٦٩٣ جارێ بە چەکی قورس، تۆپهاوێژ و هویتزەر هرووژمش کەرد.
١٧جارێ جە دژو ئەرەگیرا دەسوەردای کریا
هێزه کێما سەر و بنەماو وێپارێزنای، ١٧جارێ جە دژو ئەرەگیرا که جە نوقتێ هرووژمکەردەینە بێنێ دەسوەردایشا کەردەن. جە ئەنجامو ئی دەسوەردانەینە، ١ئەرەگیر سزا دریا و ٥ ئەرەگیرێ زامڏارێ بیێ. هەرپاسە ١تانک و ٢زرێپۆشێ و ٢سیستەمێ کامێرەو چەمدێری و ١توپ شان و ٢ درۆنێ و ١ ئامێرێ دژو پارازیتای جەلایەنو هێزەکاماوە مەڕیێ. هەرپاسە ١زرێپۆش، ١کۆنتێنەر، و ١درۆن وسیێنێرە وار و مەڕیێنێ.
٤ هەڤاڵێما کە بە فیداکاریێ فرۆ خاکو موبارەک و کوردەسانیشا جەدژو ئەرەگیرا پارێزنا و شانازی گەلەکەیما بێنێ و ئاڵاو ئەوەکۆشایشا بەرز ڕاگێرت، جە مانگەو نیسانینە گەشمەرڏێ بیێ. جارێوە تەر بە ڕێزۆ یاڏو گەشمەرڏا مکەرمێوە، ئەمڕۆ و ئایندەما بەرز ڕاگێرمێنە.
ئامارە جەنگو مانگو نیسانێ پی جۆرەنە:
هرووژمەکێ سوپاو تورکی
هرووژمو فڕۆکە جەنگییەکا: ٧٦
هرووژمی هێلیکۆپتەر: ١٢
هرووژم بە چەکی کیمیایی (فسفۆڕ): ٣
هرووژم بە درۆن : ٢
هرووژمی تەقەمەنی قەدەغەکریا: ٤
هرووژمەکێ بە چەکی قورس و تۆپشانای و هویتزەر: ٩٦٩٣
