ناوەندو چاپەمەنی و ئەرەیاۋنای هێزەکاو پارېزنای گەلی (هەپەگە)ی بە ئەرەیاۋنێوە یاڎو ئا یەرە گەریلایشە کەرڎۆ کە مەتینانە گەشمەرڎۍ بیێبێنۍ و قەولو بەردەوامیدای بە ڕاو ڕێبازیشا واوەی کریاوە

ئەرەیاۋناکەو هەپەگەی پی جۆرەنە:

"بەڕێز و پنەزانایماوە یاڎو هەڤاڵا ئاپۆییما هەڤاڵ سۆرخوێنە، ئەزدا و ئیلیاسی مکەرمێوە، کە تا دما ساتەکا ژیۋایشا جە دژو هرووژمەکا دۆڵەتو تورکی ئەرەگیری جە ٢٩/٧/ ٢٠١٨ جە مەتینانە گژیۍ و دەسبەردارۍ فەلسەفەو ژیۋای ئازاڎیی نەبیۍ."

هەمڕێما سورخوێنە، ژەنە ئازا و غیرەتیەکۍ هەرێمو سەرحەدی بیە بە فەرماندێوە کۆششکارەو یەژا ستاری کە بە تایبەتمەندی خاکەڕایی، دڵسۆزیش یاگۍ ۋێش جە زېڵۍ هەڤاڵاشەنە کەرڎۆ و بیە بە فەرماندێوە نمونەییە. هەمڕێما بە پەیوەندیکەردەیش بە ڕیزەکاو گەریلایۆ بە مەرامو کەمکەردەیۆ ئێشو ڕێشو گەلەکەیما و پەی بنیاڎ نیای وڵاتێوە ئازاڎیی بیە سەرمەشقە پەی گرڎو هەمڕایاش. بە هەڵوێسش سەرو هێڵۊو ژەنۍ ئازادۍ بەشداریکەردەیش جە ئەرەکۊشاینە چڕتەرکەردۆ و بیە بە پەشتیوانەو هەمڕایاش جە ئەرەکۊشاینە. پەی جا بەجێکەردەی ئەرکەکاو سەروشاناش سەرەڕاو گرڎو ئاژە سەختەکا ئازایانە پەی ۋەرگیریکەردەی جە گەلەکەیما بە پراکتیزەکەردەی ئەرەکۊشای سەلەمناش یاوای بە ئامانجەکا بە ئەرەکۊشای فیداییوە مېنە ئاراوە. هەمڕێما سۆرخوێنە کە پەروەردەو فرێوە جە هەڤاڵاش گێرت ئەستۆ و دڵنیا بۍ چانەی گرڎو هەڤاڵەکا هێڵۆو ژەنۍ ئازادۍ هۆرگێرۆ و بە پراکتیزەکەردەی جابەجێ بکریۆ. گرڎو ئەرکەکاش بەسەرکۆتەیی جابەجێکەرد. سەرو ئا قەولیە واوەیش مکەرمێوە کە بەتەمامی سەرو ڕاو هەمڕا سۆرخوێنۍ بیمۍ و یاڎش زیڼە ڕاگێرمۍ.

هەمڕێما ئەزدا کە نوێنەرایەتی کولتووری قەڎیمی بۆتانی کەرۍ، بە گێرتەی ۋەرو هەڵوێسی یەکلاکەرەوەو ژەنا بۆتانی جە دژو ئەرەگیرا و کۆلۆنیالیستەکا پەیوەندیش بە ئەرەکۆشای ڕزگاریوازییوە کەرد. بە تایبەتمەندی زەریف، خاکەڕای و درووسی ۋێشۆ بەشداری ژیۋای گەریلایش کەرد و ئامانجو ئەرەکۆشای ۋێش جە ژیۋاینە دیۆ. پی ئامانج و تایبەتمەندییاوە جە زېڵۍ گرڎو هەمڕاکاشەنە یاگۍ ۋێش کەردەشۆ و تاواش بۆ بە جەناگوەرێوە نمونەییەو پاژکی. هەمڕێما جە فرەو مېڎانەکا هەرێمەکاو پارېزنای مەدیاینە جە زاگرۆسۆ تا بادینان ئەرەکۊشایش ڕاوەبەر کەرڎ و تاواش نوێنەرایەتی ئشناسنامەو ژەنۍ ئازاڎۍ بکەرۆ. پېسە هەڤاڵاو هەمڕێما ئازدای گرڎ کاتێ سەرو هێڵۊو ئەرەکۆشای هەنگامە بنیەیمۍ و بیاومۍ بە مەرامو سەرکۆتەی ئاواتو گەشمەرڎاما.

هەمڕاما ئیلیاس جە ناوچەو بازیدیوە بەشدارو دلۍ ئەرەکۊشای بۍ. بازید بە سەرهۆردای، مڎرامان و کەسایەتییە تاریخیەکا ۋێشۆ بی بە یۆ جە ناوەندە گرنگەکاو وڵاتیما کورڎەسانی. هەمڕاما ئیلیاس ئەرەکۊشایش جە هێڵەکاو گەریلاینە گرڎ کاتۍ جە هەوڵو ئانەینە بۍ کە ئاستو چەمەڕاکا گەلەکەیمانە بۆ. هەمڕاما ئیلیاس جە هەر کۆ پەنەواز بیە بۆ ئاماڎەو ئەرەکۆشای بیەن و بە بەشداری چالاکانەیش جە چالاکیەکانە ئینەش سەلەمنا. تاواش پی تایبەتمەندییاوە بۆ بە جەنگاوەرێوە نموونەیی. هەمڕاما کە گرڎ کاتێ جە سەختتەرین ئاژەکا ئەرەکۊشاینە یاگۍ ۋێش کەرێوە  جە یاردەیدای هەمڕاکاشەنە، پۊکەی پی جۆرە ڕێز و وەشەسیایی هەمڕاکاش بەدەسئارڎ. هەمڕاما ئیلیاس جە ماوۍ کەمو ئەرەکۊشاینە بی بە گەریلێوە شایستەو وەڵێکۆتەی ۋەرچەمش بەدەسئاورڎ. بە کەسایەتی ڕاسگۆ و خاکەڕایی ۋێشۆ جە زېڵۍ هەمڕایاشەنە ڕاو ۋێش کەرڎۆ.

سەرەوەشی ۋێما ئاراسەو بنەیانەو هەمڕایا قارەمانی و مەردمو وڵاتپاریزنو دیگۆر، سلۆپی و بایزیدیما، گرڎو گەلی وڵاتپارێزنو کورڎەسانی مکەرمۍ. جارێوەتەر قەول مڎەیمۍ درێژە بە رێبازو ئەرەکۊشای گەشمەرڎاما بڎەیمۍ.

زانیاری سەرو ئشناسنامەو هەمڕا گەشمەرڎەکاما پی جۆرەنە:

ناسنامۍ / سورخوێن چیا

نامۍ و دما نامۍ / قەدەر دومان

شۆنەماو جە ئەڎابیەی / قەرس

نامۍ ئەڎۍ و نامۍ تاتەی / پەریشان – غەفار

شۆنەماو کاتو گەشمەرڎەبیەی / ٢٩/٧/ ٢٠١٨ / مەتینا

*****

ناسنامۍ / ئەزدا فەراشین جودی

نامۍ و دما نامۍ / حەیات توران

شۆنەماو جە ئەڎابیەی / شڕنەخ

نامۍ ئەڎۍ و نامۍ تاتەی /فانییە – بەهادین

شۆنەماو کاتو گەشمەرڎەبیەی /٢٩/٧/ ٢٠١٨ / مەتینا

*****

ناسنامۍ / ئیلیاس ئایدن گوڵ

نامۍ و دما نامۍ / سەباحەدین تانریڤەردی

شۆنەماو جە ئەڎابیەی / ئەستەنبوڵ

نامۍ ئەڎۍ و نامۍ تاتەی /یوکسەل – ئەمین

شۆنەماو کاتو گەشمەرڎەبیەی /٢٩/٧/ ٢٠١٨ / مەتینا

*****