هەپەگە یاڎو گەشمەرڎا زاپیش کەرڎۆ
هەپەگە بە ئەرەیاۋنێوە یاڎو گەشمەرڎا زاپیش کەرڎۆ و واتش: "بە دڵنیاییوە مەرامو ئازادی ڕابەری و کورڎەسانی ئازاڎی پێکمارمۍ، کە ئاواتو هەمڕا قارەمانەکاما بۍ."
بە دیمەن
ئەرەیاۋناکەو ناوەندو ئەرەیاۋنای و چاپەمەنی هەپەگەی دەربارەو یاڎکەردەیۆ گەریلا گەشمەرڎەکاما پی جۆرەنە:
"هەمڕێما جانشێڕ، مەد، ڕەشید، سەرحەد و دژوار جە ٢١و ئۆکتۆبەرو ٢٠١٧ینە جە ئاکامو هرووژمۍ دژمنینە زاپەنە گەشمەرڎۍ بیۍ. بە ڕێز و حورمەتو پنەزانایۆ هەمڕا گەشمەرڎەکاما یاڎۍ مکەرمێوە. هەمڕاکاما جە گرڎو بەرەکا جەنگینە قارەمانیەتیێوە گۆرەشا جە دژو دژمنی نیشانە دا و بە دڵنیانییوە وەرمو ئازادی ڕابەرایەتی و کورڎەسانی ئازادیشا پێکمارمۍ.
هەمڕێما جانشێڕ، مەد، ڕەشید، سەرحەد و دژوار جە ساڵەکا ٢٠١٤ و ٢٠١٥ینە چا کاتەنە کە شەپۆلێوە تازۍ دژمنایەتیکەردەی دژو گەلەکەیما دەسشپنەکەرڎەبۍ، پېسە جەنگەوانا ئازادی بەشدارۍ دلۍ ڕیزەکاو گەریلای بیۍ و سەرەمڕە دژو دژمنی ئەرەکۆشۍ و بیۍ بە جەنگەوانۍ ئاپۆی سەردەمەکەیشا. هەمڕاکێما جە ساتەوەختۍ هەرە دژوارەنە کە گەلەکەما پەنەوازش بە جەنگو ۋێپارێزنای بۍ، بەبێ دووەدڵی لایەق بە ئەرکەکەیشا بێنۍ و تا دما هەناسەو ژیۋایشا ۋەرگریشا جە گەلەکەیما کەرد و یاۋۍ بە کارەوانو نەمرا. هەمڕێما جانشێڕ، مەد، ڕەشید، سەرحەد و دژوار بە عالی جە قۆناغەکۍ یاۋێنە و بیۍ بە هۆرگیرو هەڵوێسی شایستەو ئا قۆناغۍ. پی هەڵوێسەیشاوە بیۍ بە نموونەو جەنگەوانا فیدایی ئاپۆیی و بە سەرفرازیۆ جە تاریخو ئەرەکۊشایمانە یاگۍ ۋێشا گێرتە.
پېسە هەمڕایا ئا گەشمەرڎا سەرەوەشی ۋێما جە بنەیانەی قارەمانو هەمڕایاما جانشێڕ، مەد، ڕەشید، سەرحەدی و دژواری، گرڎو گەلی وڵاتپارێزنو کورڎەسانیما مکەرمۍ و جارێوەتەر قەولما واوەی مکەرمێوە، بەردەوامۍ بیمۍ جە بەیاگۍ یاۋنای وەرمو هەمڕایامانە.
زانیارییەکۍ سەرو ئشناسنامەو گەشمەرڎاما پی جۆرەنە:
ناسنامۍ / جانشێڕ قۆسەر
نامۍ و دما نامۍ / وەدات ئۆگوز
شۆنەماو جە ئەڎابیەی / مێردین
نامۍ ئەڎۍ و نامۍ تاتەی / تەنزیلە - شوکرو
شۆنەماو کاتو گەشمەرڎەبیەی / ٢١ ئۆکتۆبەرو ٢٠١٧ / زاپ
*****
ناسنامۍ / مەد داڵاهۆ
نامۍ و دما نامۍ / نیعمەت ئاکدەمیر
شۆنەماو جە ئەڎابیەی / ئامەد
نامۍ ئەڎۍ و نامۍ تاتەی /ئاسییە - ڕەسوڵ
شۆنەماو کاتو گەشمەرڎەبیەی / ٢١ ئۆکتۆبەرو ٢٠١٧ / زاپ
*****
ناسنامۍ / ڕەشید وان
نامۍ و دما نامۍ / کەنعان کالابالیک
شۆنەماو جە ئەڎابیەی / وان
نامۍ ئەڎۍ و نامۍ تاتەی /سوڵتان - کەمالەدین
شۆنەماو کاتو گەشمەرڎەبیەی / ٢١ ئۆکتۆبەرو ٢٠١٧ / زاپ
*****
ناسنامۍ / سەرحەد تەکمان
نامۍ و دما نامۍ / عیسا دۆغان
شۆنەماو جە ئەڎابیەی / ئەرزڕۆم
نامۍ ئەڎۍ و نامۍ تاتەی /ئاینور - زومروت
شۆنەماو کاتو گەشمەرڎەبیەی / ٢١ ئۆکتۆبەرو ٢٠١٧ / زاپ
*****
ناسنامۍ / دژوار ژێهات
نامۍ و دما نامۍ / فەرهاد ئەرکول
شۆنەماو جە ئەڎابیەی / شڕنەخ
نامۍ ئەڎۍ و نامۍ تاتەی /جەمیلە- قاسم
شۆنەماو کاتو گەشمەرڎەبیەی / ٢١ ئۆکتۆبەرو ٢٠١٧ / زاپ
