مېیانو ئەرەیاۋنای و چاپەمەنی هەپەگەی ئشناسنامەو گەریلێوە گەشمەرڎێش ئەرەیاۋنا کە جە هەرێمەکاو پارېزنای مەدیاینە گەشمەرڎۍ بیێنە و  واتش: "هەمڕاما ئەرین مارینۆسە کە جە ۋەرا ۋەرو هرووژمە ئەرەگیریەکانە جە ڕیزەکا وەڵێوە بۍ جوابو ئەرەگیراش داوە و  بە ئیرادێوە هێقمۆ جەنگش کەرڎ، هامڕاما جە گۊرەتەرین ئاستەنە بیە بە نوێنەرەو هێڵۊو پەکەکەی و پاژکی و پا ئیرادۆ یاوا بە کارەوانو نەمرا."

ئەرەیاۋناکەو هەپەگەی ئینەن:

"ئەوەکۊشای ئازادی کوردەسانی جە هەرێمەکاو پارېزنای مەدیاینە مڎرامانێوە چامنەش وەشکەرڎ جە حیچ سەردەمێوەنە نەوینیان و قارەمانی و ئیرادەی ئاپۆییش نیشانەو گرڎو جەهانی دا. هەمڕا ئەرین مارینۆسە کە جە ۋەرا ۋەرو هرووژمە ئەرەگیریەکانە جە ڕیزەکا وەڵێوە بۍ جوابو ئەرەگیراش داوە و  بە ئیرادێوە هێقمۆ جەنگش کەرڎ، هامڕاما جە گۊرەتەرین ئاستەنە بیە بە نوێنەرەو هێڵۊو پەکەکەی و پاژکی و پا ئیرادۆ یاوا بە کارەوانو نەمرا. جە هەرێمو زاپینە کە گرڎو پلانڕێژی و گریمانەکا ئەرەگیرا و هامکاراش بە مڎرامان پوچکریاوە، هەمڕا ئەرینە چا هەرێمەنە گەریلایەتیش کەرڎ و ڕووحو سەرکۊتەی سەردەمیش جە کەسایەتی ۋێشەنە ئەرماناوە. پەرەش بە هەنگامەکا ئازادیی ۋێش دا کە جە سەرنیشتوو کوردەسانیوە دەسش پنەکەرڎ و یاوناش بە هەرێمەکاو پارېزنای مەدیای و جە هەر مېڎانێنە کە چنەش مەنێبۊوە ڕەنجێوە بێهامتاش دان. بە دڵنەوازی ئەوەکۊشای و بەشداربیەی قارەمانیشۆ پەی هەمڕایاش بیە بە نمونێوە و جە هەرێمەکاو پارېزنای مەدیاینە بەشدارەو چڼین ئەوەکۊشایا بیە. بە هەمڕایی بە هێز و هەڵوێسی پاگیرانۆ سەرو هێلۊو ڕابەر ئاپۆی بە شێوێوە سەنگین گرڎو ۋەرپرسیاریەکاش جابەجێ کەرڎۍ.

سەرەوەشی ۋێما جە تەمامو گەلو کوردەسانی وڵاتپارێزیما و بە تایبەت جە بنەیانەی قارەمانو گەشمەرڎاما مکەرمۍ کە میلیتانێوە قارەمانەی پېسە هەمڕێما ئەرینێش پێشکەش بە ئەوەکۊشای ئازادی کەردیمۍ. بە دڵنییایوە شۊنکۊتۍ خیاڵەکا گەشمەرڎاما بیمۍ.

زانیارییەکۍ سەرو ئشناسنامەو هەمڕا ئەرین مارینۆسۍ پی جۊرەنۍ:

ناسنامۍ /

نامۍ و دما نامۍ /

شۊنەماو جە ئەڎابیەی /

نامۍ ئەڎۍ و نامۍ تاتەی /

کاتو شۊنەماو گەشمەرڎەبیەی / ئابو ٢٠٢٢ / هەرێمەکۍ پارێزنای مەدیای".

*****