هەپەگە بە ئەرەیاۋنێوە ئشناسنامەو گەریلێوە گەشمەرڎەیش ئاشکرا کەرد و واتش: "هەمڕاما زاگرۆس تا دما نەفەس بە فیداکارییوە جە دژو دژمنی جەنگش کەرد و گەشمەرڎەبی. جارێوەتەر نیشانەو دژمنیش داوە کە هێزی جەنگاوەری بە رۆحی ئاپۆییوە حەجگیز مەمەڕیۆ."
ئەرەیاۋناکەو ناوەندو ئەرەیاۋنای و چاپەمەنی هەپەگەی پی جۆرەنە:
"جە ٢٤و ئەیلولو ٢٠٢٤ینە جە مېڎانوو ماسیرۆی ناوچەو لقو وانی، سوپاو تورکی ئەرەگیری ئۆپراسیۆنێوەش ئەنجامدا. چا ئۆپراسیۆنەنە جە ما بەینو هێزەکاما و سوپاو ئەرەگیرینە جەنگ ڕووەش دا. چی جەنگەنە ڕۆڵەی قارامانو بۆتانی و جەنگاوەری فیدایی ئاپۆی هەمڕاما زاگرۆس جودی تا دما نەفەس بە فیداکارییوە جەنگش کەرڎ و گەشمەرڎە بی. هەمڕاما زاگرۆس بە ئەرمانای مڎرامانی داستان ئاسا دژو دژمنی و بە ژیۋای ۋێش، ئەرەکۊشایماش جە سەرنیشتوو کوردەسانی بە فیداکاریێوە گۆرۆ و سەرو هێڵۆو فیدایەتی ڕاوەبەر کەرڎ. پی هەڵوێسۆ نامۍ ۋێش جە تاریخو ئەرەکۆشایمانە نویستۆ.
هەمڕاما زاگرۆس جودی دلۍ ژیۋای ئەرەکۆشاینە ڕۆحو جوانیش پارېزنا و گرڎ کاتێ دلۍ قۆناغەکا ئەرەکۆشاینە بۍ. پەی ئانەی بتاوۆ توڕەییە قوڵەکاش جە دژو دژمنی فاڕۆ پەی چالاکی، سەرەمڕە ئەرەکۆشایەکەیش گۆرەتەر کەرۍ. سەرو ئی بنەمایۍ جە مڎرامانوو ۋێڕاوەبەری شڕنەخی تا بیاوۆ بە هەرێمەکاو پارېزنای مەدیای، وە جە چڼین مېڎانۍ بۆتانینە تا ئەیالەتو وانی و بەبێ دووەدڵی جە چڼین هەرێمۍ کورڎەسانینە ئەرەکۆشا. بە ئەزموونو جەنگکەردەیۆ پەی ئانەی بتاوۆ جە گەریلایەتی سەردەمی تازەنە پراکتیزە بکەرۆ کۆششۍ فرەش کەرڎ و پی کۆششاوە بی بە نمونەو هەمڕایاش. چا کاتۆ کە بەشدارو ڕیزەکاو گەریلای بی تا کاتو گەشمەرڎەبیەیش بە فیدایۆ ئەرەکۆشایش کەرد. پی هەڵوێستەیشۆ بی بە قارەمانێوە کە پەی جوانا بۆتانی و کورڎەسانی جە ژیۋای ئەرەکۆشاینە پېسە نموونەی هۆربگیریۆ.
پېسە هەمڕایا گەشمەرڎە زاگرۆس جودی، سەرساغی ۋێما پەی بنەیانەو بە قیمەتو هەمڕایما، خەڵکو شڕنەخیما و گەلی وڵاتپارێزو کورڎەسانیما بەربڕمۍ و قەولو سەروستەی ئەرەکۆشای هەمڕایما مڎەیمۍ.
زانیاریی سەرو ئشناسنامەو هەمڕا زاگرۆس جودی پی جۆڕەنە:
ناسنامۍ / زاگرۆس جودی
نامۍ و دما نامۍ / مەهدی یوسال
شۆنەماو جە ئەڎابیەی / شڕنەخ
شۆنەماو کاتو گەشمەرڎەبیەی / ٢٤و ئەیلولو ٢٠٢٤ / وان.
